Pres-sakratar MZS Polščy Pavieł Uroński 13 sakavika nazvaŭ niasłušnaj infarmacyju pra dvuchrazovaje skaračeńnie finansavańnia telekanała «Biełsat».
«My atrymali ad Polskaha telebačańnia (TVP) prajekt pa madernizacyi stancyj, jakija viaščajuć za miažoj, i paličyli jaho dobrym. Niapraŭda, što subsidyi telekampanii «Biełsat» skaracili ŭdvaja», — cytuje čynoŭnika onet.pl.
«Da hetaha času nam davodziłasia mieć spravu z patałahičnaj situacyjaj, kali čatyry telekanały, jakija nie supracoŭničali adzin z adnym, viaščali za miažu na sumu bolš za 200 miljonaŭ złotych (kala 50 młn dalaraŭ). Efiekt ad hetaha byŭ drennym. TVP vyrašyła źmianić heta, zrabiŭšy TVP World fłahmanskaj stancyjaj, jakaja viaščaje na anhlijskaj, ruskaj i niamieckaj movach», — adznačyŭ Uroński.
Pradstaŭnik MZS rastłumačyŭ, što raniej «Biełsat» finansavaŭsia na sumu 22 młn złotych na hod. U 2022 hodzie hetaja suma była pavialičanaja da 63 młn, što tłumačyłasia adździaleńniem stancyi ad struktur TVP. U 2023 hodzie abjom finansavańnia byŭ zachavany, a ŭ hetym telebačańnie zapytała 75 młn, skazaŭ pradstaŭnik viedamstva:
«Hetaj sumy nikoli nie było i niama ŭ Ministerstvie zamiežnych spraŭ. Spadarynia Ahnieška Ramašeŭska kaža pra hrošy, jakich nikoli nie było».
Uroński adznačyŭ, što kanał ciapier atrymaje 40 młn złotych, ale «ŭ toj ža čas, z dapamohaj telebačańnia «Biełsat», u jakoha jość ludzi, vielmi dobryja śpiecyjalisty, budzie padrychtavany ruskamoŭny kanał na TVP World».
«Heta hrošy polskich padatkapłacielščykaŭ, jakimi my starajemsia rasparadzicca maksimalna efiektyŭna», — padkreśliŭ pradstaŭnik MZS.
Pry hetym Uroński zajaviŭ, što na «Biełsacie» płanujecca pracaŭładkavać 300 čałaviek.
«Što značyć, što mnie chopić kiravać?» Byłaja kiraŭnica «Biełsata» raskazała, čamu jašče nie hatovaja pakinuć kanał
«Kamanda nie budzie asprečvać lidarstva Dzikavickaha, ale za im buduć pryhladać». Ci źmienicca «Biełsat» z novym kiraŭnikom
Kiraŭnikom «Biełsata» staŭ Alaksiej Dzikavicki
Dyrektarku «Biełsata» zvolnili paśla 17 hadoŭ pracy
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary