U ZŠA miljarderka zahinuła, vypadkova zajechaŭšy ŭ sažałku na mašynie Tesla
Spadčyńnica bujnoj sudnachodnaj kampanii, 50-hadovaja Andžeła Čao zahinuła miesiac tamu, adnak padrabiaznaści jaje śmierci stali viadomyja tolki niadaŭna, piša Bild.
Pavodle infarmacyi amierykanskich ŚMI, 10 lutaha pradprymalnica pajechała razam sa svaimi siabrami, jakija raniej vučylisia razam ź joj u Harvardzie, na ranča ŭ Techasie. Tam jana arandavała majontak, jaki amal u try razy pieravyšaje pa płoščy Centralny park u Ńju-Jorku.
Paśla viačery Čao zachacieła pajechać u hałoŭny dom da syna. Pakolki ŭ toj dzień było choładna, žančyna sieła ŭ svaju mašynu Tesla Model X. Piešaja prahułka zaniała b u jaje ŭsiaho čatyry chviliny.
Wall Street Journal piša, što Čao chacieła raźviarnucca, adnak zanadta mocna zdała nazad i źjechała na aŭtamabili ŭ sažałku. Mašyna pačała iści na dno, a sama Čao ŭ panicy stała telefanavać siabram.
Ratavalniki prybyli na miesca praz 24 chviliny paśla atrymańnia ekstranaha vykliku — da hetaha momantu Tesla całkam syšła pad vadu. Zapytanaja kamanda vadałazaŭ pa nieviadomych pryčynach nie pryjechała, a płan pa vyciahvańni aŭtamabila z sažałki pravaliŭsia z-za zanadta karotkaha buksirovačnaha trosa.
Kali ratavalniki ŭsio ž taki dastali mašynu z vady, Andžeła Čao była ŭžo miortvaja.
Asnoŭnaj pryčynaj avaryi ličać toj fakt, što žančyna nie spraviłasia z sensarnym pieraklučeńniem pieradač, vypadkova pieraklučyŭšy nie ŭ toj bok.
Paśla Čao nie zmahła vybracca z aŭtamabila z-za taho, što ŭ mašynie adklučyłasia elektronika, adkaznaja za avaryjnaje adkryćcio dźviarej. A ratavalniki taksama nie zmahli svoječasova dabracca da Čao z-za nieprabiŭnoha škła Model Xml.
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary
Łukašenka davaj, ciśni na haz !