Pieramovy ab pastaŭkach i tranzicie elektraenierhii zapłavanyja na 22 studzienia
Pieramovy ab pastaŭkach u Biełaruś rasijskaj elektraenierhii i jaje tranzicie ŭ Kalininhradskuju vobłaść RF i krainy Bałtyi płanujecca pravieści 22 studzienia ŭ Minsku.
Pra heta paviedamiŭ kiraŭnik pres‑słužby kampanii «Inter RAO JEES» Cimur Białoŭ.
Pavodle jaho słoŭ, ciapier nazirajecca »zbližeńnie pazicyj bakoŭ». «Ja spadziajusia, što najbližejšym časam pieramovy zakončacca, i ŭsie pahadnieńni buduć padpisany. Adnak heta pakaža tolki chod pieramoŭ», — dadaŭ Białoŭ.
Jak paviedamlałasia raniej,
pieramovy ab pastaŭkach i tranzicie elektraenierhii pavinny byli prajści ŭ Minsku 19 studzienia, adnak byli pieraniesieny.
Pryčynaj pieranosu stali »arhanizacyjnyja momanty», zajavili ŭ Maskvie i Minsku.
Papiaredni raund pieramoŭ adbyŭsia ŭ rasijskaj stalicy 14 studzienia. Jak paviedamiŭ ŚMI pradstaŭnik »Inter RAO JEES», jany prajšli «ŭ farmacie ŭzvažanaha dyjałohu»: «Baki abmierkavali scenarnyja varyjanty farmiravańnia cen, vyvieryli prymianieńnie padobnych mietadałahičnych padychodaŭ pry raźlikach vieličyni tranzitnych strat mahutnaści ŭ sietkach abjadnanaj enierhasistemy Biełarusi pry roznych varyjantach pieraciokaŭ elektraenierhii».
Raniej «Inter RAO JEES» zajaŭlała pra namier pastavić u Biełaruś u 2010 hodzie 3 młrd. kVt•hadz elektraenierhii ŭ adpaviednaści z bałansam Sajuznaj dziaržavy, a taksama da 2,5 młrd. kVt•hadz — «na asnovie pryncypaŭ kamiercyjnaj metazhodnaści». Akramia taho, kampanija płanuje ažyćciaŭlać tranzitnyja pastaŭki ŭ Kalininhradskuju vobłaść i krainy Bałtyi.
4 studzienia kancern »Biełenierha» papiaredziŭ ab mahčymym spynieńni pastavak rasijskaj elektraenierhii ŭ Kalininhradskuju vobłaść z‑za niaŭzhodnienaści ŭmoŭ tranzitu.
U adkaz «Inter RAO JEES» zajaviła, što nakiroŭvała ŭ Minsk svaje prapanovy, adnak reakcyi na ich nie było. Pavodle infarmacyi kampanii, pierad novym hodam biełaruski bok zapatrabavaŭ pavialičyć košt tranzitu ŭ niekalki razoŭ, što »nie adpaviadaje duchu padpisanych raniej doŭhaterminovych pahadnieńniaŭ i schiemie ŭzajemadziejańnia «Inter RAO JEES» i «Biełenierha».
Mnohija analityki źviazvajuć prablemy, što ŭźnikli ŭ śfiery tranzitu elektraenierhii, z naftavym kanfliktam pamiž Biełaruśsiu i Rasijaj, adnak aficyjnyja pradstaŭniki Maskvy i Minska heta abviarhajuć.
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j12
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary