Viaskoviec z-pad Viciebska reposnuŭ fota Łukašenki ŭ «Adnakłaśnikach». Jaho asudzili na hod kałonii
U sudzie Viciebskaha rajona 28 sakavika asudzili Siarhieja Mielnikava pavodle č. 1 art. 368 (abraza Łukašenki). Sudździa Michaił Zubienia pryznačyŭ hod i adzin miesiac pazbaŭleńnia voli ŭ kałonii va ŭmovach ahulnaha režymu, piša «Viasna».
Mužčynu abvinavacili ŭ tym, što jon 19 červienia 2023 hoda zrabiŭ repost publikacyi ŭ «Adnakłaśnikach». U joj znachodziŭsia fotazdymak i tekst, jaki sud paličyŭ abraźlivym. Siarhiej całkam pryznaŭ vinu. U jakaści śviedki dapytali žonku Mielnikava, jakaja paćvierdziła, što mužčyna karystajecca nazvanaj sacsietkaj.
Siarhieju pryznačyli dziaržaŭnaha advakata, za pracu jakoha z mužčyny spahnali 44 rubli.
Mabilny telefon, ź jakoha Mielnikaŭ reposnuŭ publikacyju pra Łukašenku, kanfiskavali ŭ dachod dziaržavy jak «srodak ździajśnieńnia złačynstva».
Siarhiej Mielnikaŭ maje siaredniuju adukacyju, pražyvaje ŭ vioscy Viciebskaha rajona.
Kamientary