Siarhiej Navumaŭ. Fota ź jahonaj staronki Ukantakcie
Zatrymanaha kličuć Siarhiej Navumaŭ, jamu 55 hadoŭ. Mužčyna rodam z pasiołka Padśville Hłybockaha rajona. Pracavaŭ jon na roznych rabočych śpiecyjalnaściach: malarom, achoŭnikam i hetak dalej. Chobi Siarhieja — heta numizmatyka (kalekcyjanavańnie maniet) i bajkierstva.
Navumava zatrymali kala tydnia tamu. U vinu jamu staviać niejkija «dopisy, jakija abrazili Łukašenku». Imavierna, havorka pra kamientary ŭ telehramie.
Akaŭnt mužčyny słaba abaronieny i pryviazany da ŭłasnaha biełaruskaha numaru. A niechta (imavierna, hubazikaŭcy ci inšyja śpiecsłužbisty) zrabiŭ płatny «pašyrany pošuk» (dazvalaje atrymać trochu bolš infarmacyi) pa jahonym akaŭncie ŭ telehram-bocie «Voka Boha» ŭ studzieni 2024 hoda. Heta zvyčajna značyć, što čałaviek užo na kručku i jaho zatrymańnie — pytańnie času.
Vydača bota «Voka Boha» pa numary Siarhieja
Miarkujučy pa tym, što pišuć kanały HUBAZiK, u adnosinach Siarhieja zaviali kryminalnuju spravu.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
Tłumačym, jakim čynam siłaviki znachodziać karystalnikaŭ Telegram i jak hetaha paźbiehnuć
