Biełaruscy na viasielle padaryli 123-hadovuju vialikuju załatuju manietu. Viedajecie, kolki jana kaštuje ciapier?
U redakcyju Onliner źviarnułasia čytačka i pachvaliłasia załatoj manietaj, jakuju joj na viasielle padaryła babula. Na fatahrafii byŭ carski čyrvoniec 1901 hoda — adna z samych viadomych maniet Mikałajeŭskaha času, vahoj 8,6 hrama i z utrymańniem zołata 7,74 hrama.
Dziaŭčyna cikaviłasia, kolki taki rarytet moža kaštavać ciapier, pra što my i spytali numizmata.
Dyjamietr maniety składaje 22,5 mm. U paraŭnańni z čyrvoncami Alaksandraŭskaha pieryjadu vaha Mikałajeŭskaha byŭ pamienšana ŭ paŭtara razy. Hałoŭnaje adroźnieńnie pamiž 10-rublovymi manietami — heta partret cara. Maniety 1898 hoda vypusku majuć da piaci varyjacyj partreta Mikałaja II. Maniety 1900 hoda i da 1911 hoda čakanki vyhladajuć prykładna adnolkava.
— Tak, jany załatyja i pieryjadyčna sustrakajucca na aŭkcyjonach, usio zaležyć ad stanu. Tak, zołata 900-j proby. Uvohule, vielmi papularnaja i zapatrabavanaja manieta, cana jakoj varjirujecca ad $600 da $900 na placoŭkach aŭkcyjonaŭ. Ale treba praviarać, bo sustrakajecca šmat kopij i padrobak, — raspaviadaje numizmat.
Pavodle jaho słoŭ, na košt Mikałajeŭskaha čyrvonca taksama ŭpłyvaje litarnaja hraviroŭka: AH, AR, FZ, EB, nd — heta inicyjały mincmajstraŭ, ludziej, jakija ŭ toj ci inšy čas byli adkaznymi za vypusk maniet i sačyli za praceduraj čakanki.
Usiaho było vypuščana kala 27 miljonaŭ takich asobnikaŭ. Paźniejšyja ŭzory aceńvajucca daražej, i siarod ich sustrakajucca redkija i darahija asobniki, takija jak čyrvoncy 1906 hoda (Usiaho 10 štuk) abo sieryi 1910 hoda (kala 100 tysiač asobnikaŭ). Jašče adna redkaja manieta — čyrvoniec 1911 hoda, vypuščany tyražom kala 50 tysiač asobnikaŭ.
Televizijščyki pakazali žachlivuju jaŭku na ŭčastku, dzie hałasavaŭ Łukašenka35
Kamientary