Kolki ŭ Biełarusi fiermierskich haspadarak i kolki pradukcyi jany vyrablajuć
Na pačatak 2024 hoda ŭ Biełarusi byli 3822 dziejnyja fiermierskija haspadarki. Z 2016 hoda ich kolkaść pavialičyłasia na 805, abo na 26,7%, paviedamiŭ Biełstat
Dola fiermierskich haspadarak u ahulnym abjomie vytvorčaści sielskahaspadarčaj pradukcyi ŭ 2023 hodzie dasiahnuła 2,9%.
Tak, na 1 studzienia 2024-ha ŭ karystańni fiermierskich haspadarak znachodziłasia 320,9 tys. hiektaraŭ sielhasuhodździaŭ, u tym liku vornych — 221,9 tys. hiektaraŭ.
Kali paraŭnoŭvać z 2015 hodam, heta bolš na 96% i 86,6% adpaviedna.
Što ž datyčycca abjomu vytvorčaści, za hety čas jon pavialičyŭsia ŭ supastaŭnych cenach u 2,1 raza, u tym liku pradukcyi raślinavodstva — u 2,2 raza, a žyviołahadoŭli — u 1,5 raza.
Asnoŭnym napramkam dziejnaści fiermieraŭ zastajecca raślinavodstva — im zaniatyja bolš za 75% haspadarak. Pryčym na jaho dolu prypadaje bolš za 90% vyrablenaj fiermierami pradukcyi.
Pa danych za 2023 hod, fiermierskija haspadarki sabrali zbožžavych i zierniebabovych kultur 332,4 tys.ton, što składaje 4,3% ad abjomu vytvorčaści pa krainie. Značnyja doli ŭ bulby-596,7 tys. ton (14,8%) i harodniny — 399,4 tys. ton (14,3%). Pa cukrovych burakach — 104,4 tys. ton (2,2%), a pa rapsie — 36,1 tys. ton (4%).
Što tyčycca pradukcyi žyviołahadoŭli, tut dola fiermieraŭ zastajecca niaznačnaj. Tak, u 2023 hodzie realizacyja žyvioły i ptuški na zaboj (u žyvoj vazie) pa krainie skłała 10,3 tys. ton (0,6% ad abjomu vytvorčaści), małaka — 46,6 tys. ton (0,5%). U toj ža čas bolš važki ŭkład fiermierskich haspadarak u vytvorčaść voŭny — 12,6 ton (14,3%).
-
Čarha ŭ Polšču amal źnikła, ale ludzi ŭsio adno stajać pa 10 hadzin. Jak tak?
-
«Ludzi chočuć litaratury pra siabie, i vielmi važna, kab piśmieńniki na heta reahavali». Vydaviec Januškievič raskazaŭ pra pośpiechi i prablemy svajho biznesu
-
U Budsłavie vierniki razam z apostalskim nuncyjem pamalilisia za ŭrad Biełarusi
Kamientary