Račkoŭski: Hramadzianam zručniej pierasiakać miažu ź Jeŭrasajuzam, čym z Rasijaj
Staršynia pamiežnaha kamiteta Ihar Račkoŭski prakamientavaŭ situacyju, što stvaryłasia na biełaruska‑rasijskaj miažy.
Staršynia pamiežnaha kamiteta Ihar Račkoŭski prakamientavaŭ situacyju, što stvaryłasia na biełaruska‑rasijskaj miažy.
«Sapraŭdy, siońnia na biełaruska‑rasijskaj miažy ŭ adnabakovym paradku z boku Rasii prysutničaje transpartny i praktyčna mytny kantrol. Heta datyčyć uvoza na terytoryju RF aŭtamabilaŭ. Dziejničaje paŭtara dziesiatka mytnych punktaŭ. Nazirajecca i pavieličeńnie kolkaści mytnych padraździaleńniaŭ, a taksama raźvićcio mytnaj infastruktury», — skazaŭ I.Račkoŭski.
«Adsutnaść kamfortu i časta vialikija čerhi, najaŭnaść dadatkovych pracedur na ŭnutranaj miažy sajuznaj dziaržavy vyklikajuć nieparazumieńnie z boku našych hramadzian», — zaznačyŭ staršynia kamitetu.
Pry hetym Račkoŭski skazaŭ, što ludzi časta skardziacca, što miažu Biełarusi ź Jeŭrasajuzam pierasiakać bolš kamfortna, čym z Rasijaj, jakoj nibyta niama.
«Jość prablemy, jakija nosiać techničny charaktar. Spadziajusia, što paśla taho, jak pačnie dziejničać Mytny sajuz, jany źniknuć», — zapeŭniŭ I.Račkoŭski.
Na jahonuju dumku, sama ideja Mytnaha sajuza stanoŭčaja, ale pavinny być uličanyja patrabavańni ŭsich bakoŭ. «Kali nie budzie roŭnych umovaŭ, to dla čaho jon tady stvarajecca?»
Ihar Račkoŭski zaznačyŭ, što biełaruskaja miaža całkam infarmatyzavanaja i vyviedzienaja ŭ ahulnuju sietku dadzienych. U Rasii i Kazachstanie ničoha padobnaha niama.
Amierykanka raskazała, jak vykładała va ŭniviersitecie ŭ Viciebsku i navat dała paru ŭrokaŭ milicyi1
Kamientary