U Rečycy 70-hadovyja piensijaniery praviali boj na kijach — usio skončyłasia kryminałkaj
Bilisia za prava pajści na dzień naradžeńnia da susiedki.
70-hadovyja žančyna i mužčyna žyli ŭ Rečycy ŭ adnym padjeździe, ale niedalublivali adzin adnaho. Kanflikt, praŭda, niejki čas znachodziŭsia ŭ stadyi «chałodnaj vojny».
Ale adnojčy jon usio ž taki pierajšoŭ u haračuju fazu, raspaviali ŭ milicyi. U toj dzień piensijaniery mirna adpačyvali na łavačkach. Nieŭzabavie na bałkon vyjšła ich susiedka — jana prapanavała dziadulu źbiehać u kramu za butelkaj i zaprasiła jaho na dzień naradžeńnia ŭnučki.
Piensijanier pahadziŭsia, ale vysunuŭ umovu: kab na śviata nie klikali susiedku. Maŭlaŭ u inšym vypadku jon u kramu nie pojdzie. Babuli, jakaja siadzieła nasuprać, heta, viadoma, nie spadabałasia. Zaviazałasia svarka, jakaja pierarasła ŭ bojku. A dakładniej, pajadynak na kijkach.
U vyniku babula atrymała kijem pa hałavie, ruce i tułava. A dziadula — kryminalnuju spravu za chulihanstva.
Kamientary