20 červienia sud Kastryčnickaha rajona Minska pryznaŭ «ekstremisckimi materyjałami» knihi palitźniavolenaha Paŭła Sieviarynca, piša «Viasna».
U Respublikanski śpis ekstremisckich materyjałaŭ uniesienyja kniha «Kamiennaje serca» — zbornik apaviadańniaŭ, napisanych Sieviaryncam padčas papiaredniaha źniavoleńnia, «Lublu Biełaruś: 200 fenomenaŭ nacyjanalnaj idei», «Biełarusalim. Kniha inšaja. Serca śviatła».
Paŭła Sieviarynca zatrymali 7 červienia 2020 hoda paśla akcyi na Kamaroŭskim rynku ŭ Minsku. Paśla hetaha sud piać razoŭ zapar pryznačaŭ jamu pa 15 dzion aryštu, a paśla suprać jaho zaviali kryminalnuju spravu.
U traŭni 2021 hoda Sieviarynca prysudzili da 7 hadoŭ kałonii ŭzmocnienaha režymu pa artykule ab masavych biesparadkach (artykuł 293 KK).
Taksama śpis «ekstremisckich» materyjałaŭ hetym razam papoŭnili:
- telehram-kanały i čaty «PośleZavtra», «Vsie ostanutsia, a ja umru»;
- instahram-staronka «bessmertnii7291»;
- Staronka va «Ukantakcie» «Ilja Mironov»;
- fejsbuk-staronki «Biełarusy Biełastoku», «Połock, Novopołock — Novosti Połotčiny»;
- tyktok-staronki «Chartija97», «Based Belarus», «Aleksandra», «hrańnieuružovajpanamie».
«Ekstremisckim» pryznali videa, jakim raniej chvalilisia sami siłaviki
Ułady ŭpieršyniu paćvierdzili, što źniščajuć vydańni, jakija abviaščajuć ekstremisckimi
«Jak byccam bombu ŭ škole znajšli». Byłaja biblijatekarka raskazała, jak školnyja biblijateki čyściać ad «niapravilnych» knih
Knihi Vacłava Łastoŭskaha i Alesia Pietraškieviča pryznali ekstremisckimi materyjałami
Ejsmant: Nijakich vybačeńniaŭ Łukašenka Zialenskamu nie prynosiŭ, bo prasić prabačeńnia nam niama za što34
Kamientary