U Minsku bankrutuje jašče adzin taksapark, farmalny zasnavalnik jakoha pra jaho nie ŭ kursie
Ekanamičny sud Minska adkryŭ spravu ab bankructvie pieravozčyka taksi TAA «Pieršy taksamatorny». U kampanii doŭh amal u 400 tys. rubloŭ i ceły «bukiet» parušeńniaŭ. A samaje cikavaje toje, što jaje zasnavalnik žyvie ŭ Turkmienistanie i, jak vyśvietliłasia, ničoha pra pieravozčyka ŭ Biełarusi nie viedaje.
Zhodna z apublikavanymi ŭ Adzinym dziaržaŭnym rejestry źviestak ab bankructvie dakumientami, TAA «Pieršy taksamatorny» było zarehistravanaje Minharvykankamam u krasaviku 2022-ha. Jahonym adzinym zasnavalnikam ličycca hramadzianin Turkmienistana Šachimierdan Hiełdyhurbanaŭ, jaki ŭ Biełarusi nie žyvie.
Kali supracoŭniki DFR KDK pa Minskaj vobłaści i Minsku pačali vyšuk uładalnika kampanii-daŭžnika, to jany nakiravali mižnarodny zapyt u hienprakuraturu Turkmienistana. A adtul atrymali adkaz, što nazvany hramadzianin kiraŭnikom TAA «Pieršy taksamatorny» nie źjaŭlaŭsia i nijakaj infarmacyjaj pra dziejnaść firmy nie vałodaje.
Akramia taho, vyśvietliłasia, što kampanija naohuł nikoli nie znachodziłasia pa adrasie, paznačanamu ŭ rehistracyjnych dakumientach. Uładalniki budynka (a heta — Minski haradski centr nieruchočaści) zajavili, što damovu ź imi pieravozčyk nie zaklučaŭ. Pa najaŭnych źviestkach, firma nie pracuje z 2023 hoda.
Apošnim časam u Biełarusi vypadki bankructva taksaparkaŭ značna pačaścilisia. Niadaŭna zbankrutavała kampanija, jakaja źjaŭlałasia partnioram «Jandeks Go» i nie raźličyłasia prykładna z 300 kiroŭcami.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary