U Kamianieckim rajonie ŭsio jašče šukajuć źnikłuju čatyrochhadovuju dziaŭčynku. Patrebnyja dobraachvotniki
Dziaŭčynka nie razmaŭlaje.
Dziaŭčynku zavuć Maja Lubimcava, jana žyvie ŭ Kamianieckim rajonie, u ahraharadku Pielišča. U paniadziełak kala 16:30 dzicia pajšło z dvara svajho doma, da ciapierašniaha času pra jaje miescaznachodžańnie ničoha nieviadoma, piša Onliner.by.
Dziaŭčynka nie razmaŭlaje, vałasy ŭ jaje rusyja, redkija, siaredniaj daŭžyni. Apranutaja ŭ čornuju majku darosłaha čałavieka z nadpisam Reebok.
Kali vy niešta viedajecie — paviedamicie ŭ milicyju pa telefonach + 375 44 791-20-03, +375 33 613-29-62 abo 102.
Vałanciory PSA «Anioł» taksama abviaścili zbor ludziej na pošuki: hrupy staličnych dobraachvotnikaŭ adpraviacca ŭ Kamianiecki rajon. Dałučycca da ich moža luby žadajučy na mašynie ci biez. Pošuk płanujecca lasny, tamu varta apranucca adpaviedna. Padrabiaznaści — pa numary 7733.
— Ciapier vielmi šmat ludziej šukaje dzicia: i pošukavyja atrady, jakija znachodziacca terytaryjalna pobač, i milicyja, i MNS, i vajskoŭcy, — raspavioŭ Siarhiej Koŭhan, kiraŭnik PSA «Anioł».
Na 11:00 2 lipienia Maju ŭsio jašče nie znajšli.
«Pošuki išli ŭsiu noč, ale pakul, na žal, novych padrabiaznaściaŭ ab mahčymym miescaznachodžańni dziaŭčynki niama. Zaraz praciahvajecca pračesvańnie miascovaści. Pryciahnutyja ŭsie mahčymyja słužby, vałanciory, lotajuć kvadrakoptary», — raspaviali kaardynatary PSA «Anioł» Brescki rehijon.
Voś kaardynaty pošukavaha štaba dla ŭsich, chto žadaje dapamahčy: 52.334739, 23.910390. Karta tut.
Kaardynatar pošuku: Maryja (pazyŭny «Bahira»), jaje numar telefona: +375 33 992-77-33. Źviazacca z Maryjaj možna pa prybyćci ŭ štab.
Taksama ŭ telehram-kanale Bresckaj milicyi źjaviłasia bolš jakasnaje fota Mai.
Polšča ŭviała zabaronu na vyvaz mnohich tavaraŭ u Biełaruś dla fizičnych asob5
Kamientary