U Breście znoŭ sudziać piensijanierku Natallu Malec za dapamohu palitviaźniam
Raniej Malec asudzili pa palityčnych matyvach da «chatniaj chimii», piša Radyjo Svaboda.
63-hadovaj palitźniavolenaj Natalli Malec staviać u vinu art. 361-4 Kryminalnaha kodeksa (sadziejničańnie ekstremisckaj dziejnaści).
Raniej Malec asudzili pa palityčnych matyvach da «chatniaj chimii». Ź vieraśnia 2023 hoda žančyna znachodziłasia ŭ źniavoleńni ŭ ramkach novaj kryminalnaj spravy.
Pieršapačatkova jaje abvinavačvali ŭ «finansavańni ekstremisckaj dziejnaści». Ale 5 sakavika pres-słužba Śledčaha kamiteta paviedamiła, što joj pradjavili abvinavačańnie pa č. 1 i č. 2 art. 361-4 KK («sadziejničańnie ekstremisckaj dziejnaści»).
Siłavikoŭ zacikaviła aktyŭnaść žančyny ŭ ažyćciaŭleńni hrašovych pieravodaŭ palitviaźniam, adznačaje «Viasna».
Taksama śledčyja znajšli, što jana była ŭ zakrytaj supołcy ŭ Facebook, jakaja naležyć «ekstremisckamu farmavańniu». Pravaabaroncy miarkujuć, što havorka idzie pra «Piśma Solidarnosti Biełaruś 2020».
8 lipienia abłasny sud pačynaje razhlad spravy Natalli Malec. Praces viadzie sudździa Rusłan Siańko.
Kamientary