U Biełarusi zabłakavali sajt niezaležnaha katalickaha prajektu Katolik.life
Na terytoryi Biełarusi zabłakavali dostup da niezaležnaha prajektu Katolik.life, jaki raspaviadaje pra žyćcio katalikoŭ
![](http://nashaniva.com/img/w840d4webp1/photos/z_2024_07/katolik_life240715-30iv7.jpg.webp)
«My ŭdziačnyja Bohu, što apošnija hady nam udavałasia raspaviadać pra «katalickaje žyćcio» — takoje, jakim jano jość u realnaści. Na terytoryi Biełarusi zabłakavali dostup da sajta Katolik.life «na padstavie rašeńnia Ministerstva infarmacyi», havorycca ŭ paviedamleńni, jakoje źjaŭlajecca pry sprobie zajści na sajt. Jašče raniej dostup da resursu byŭ zabłakavany ŭ Rasii.
Pryčyny aficyjna nichto nie paviedamiŭ, ale jany dla nas vidavočnyja — my raspaviadajem nie tolki pra pazityŭ, ale i pra zakryty Čyrvony kaścioł, pra aryšty śviataroŭ, pra toje, jak vierniki pieražyvajuć vajnu. Bo heta taksama, na žal, stała dla mnohich častkaj «katalickaha žyćcia»», — piša Katolik.life.
Partał nahadvaje, što jaho teksty pieradrukoŭvali navat dziaržaŭnyja ŚMI.
Ciapier čytać Katolik.life u Biełarusi možna z dapamohaj VPN i ŭ sacsietkach.
«Uvieś kantent stvaraje tolki adzin čałaviek u volny ad pracy čas i ŭsprymaje heta jak słužeńnie Bohu i ludziam. My praciahniem rabić heta i dalej», — adznačaje Katolik.life.
Kamientary
Darečy, ruskamoŭnaja viersija NN pavinna być zniščana.