Biełaruskaja aktrysa Kaciaryna Vasiljeva trahična zahinuła ŭ 37 hadoŭ
15 žniŭnia ŭ vyniku niaščasnaha vypadku zahinuła aktrysa Małoha teatra Kaciaryna Vasiljeva, paviedamiła pres-słužba teatra.
![](http://nashaniva.com/img/w840d4webp1/photos/z_2024_08/1-ykezo.png.webp)
Kaciaryna Vasiljeva naradziłasia 28 krasavika 1987 hoda ŭ Homieli. U 2011 hodzie z adznakaj skončyła Vyšejšaje teatralnaje vučylišča imia Ščepkina. Pa zakančeńni była pryniata ŭ trupu Małoha teatra. Na rachunku aktrysy 15 rolaŭ, siarod jakich Sofja ŭ «Hora ad rozumu», Maryna va «Ułady ciemry», Mironicha ŭ «Apošnim terminie» i inšyja.
Pryčynu śmierci aktrysy nie nazyvajuć. U siecivie źjaviłasia viersija, što niaščasny vypadak zdaryŭsia ŭ maskoŭskim mietro. 15 žniŭnia tam maładaja žančyna trapiła pad ciahnik. Jana ŭpała z płatformy na stancyi «Pieršamajskaja» Arbacka-Pakroŭskaj linii, piša «Kamsamołka».
Paciarpiełaja atrymała ciažkija traŭmy, chutkaja dapamoha dastaviła jaje ŭ špital, dzie jana pamierła. Viadoma, što zahinułaja — uradženka Biełarusi, u jaje niadaŭna naradziłasia dzicia.
![](http://nashaniva.com/img/w732d4webp1/photos/z_2024_08/2-sz6oc.jpg.webp)
Imavierna, heta i była Vasiljeva. Jana taksama pryjechała ŭ Maskvu ź Biełarusi i piać miesiacaŭ tamu ŭ jaje naradziłasia dačka Vasilisa.
Muž aktorki nie zachacieŭ havaryć, pry jakich trahičnych abstavinach zahinuła jahonaja žonka: «Usio, što pišuć pra nibyta niaščasny vypadak — nie budu kamientavać. Kacia była poŭnaja žyćcia! — skazaŭ jon.
Pavodle jaho słoŭ, ich dačka — doŭhačakanaje dzicia, jany byli ŭ šlubie 9 hadoŭ.
Kaciarynu Vasiljevu ŭspaminajuć jak talenavituju aktorku. Jana była adnoj ź lubimych vučanic Juryja Sałomina.
Raźvitańnie z Kaciarynaj Vasiljevaj projdzie 20 žniŭnia ŭ 12:00 u faje Histaryčnaj sceny teatra.
Kamientary