Ministerstva ŭnutranych spraŭ Vialikabrytanii zajaviła, što ŭ adpaviednaści z novymi płanami ŭrada budzie razhladać krajniuju nianaviść da žančyn jak formu ekstremizmu.
Ministr unutranych spraŭ Iviet Kupier rasparadziłasia pierahledzieć stratehiju baraćby z ekstremizmam u Vialikabrytanii, kab vyznačyć, jak lepš zmahacca z pahrozami, jakija zychodziać ad niebiaśpiečnych ideałohij, piša Bi-bi-si.
Na dumku ŭrada, nianaviść da žančyn — adna ź ideałahičnych tendencyj, jakija nabirajuć papularnaść. Pa słovach Kupier, rost ekstremizmu nazirajecca «jak u internecie, tak i na vulicach» i jon «razburaje samu tkanku našych supolnaściaŭ i našaj demakratyi».
Miarkujecca vyvučyć rost isłamisckaha i ŭltrapravaha ekstremizmu ŭ Vialikabrytanii, a taksama bolš šyrokija ideałahičnyja tendencyi, uklučajučy mizahiniju abo «pierakanańni, jakija ŭkładvajucca ŭ bolš šyrokija katehoryi, takija jak fiksacyja na hvałcie», skazała Kupier.
Taksama buduć vyvučany pryčyny radykalizacyi moładzi i jaje pavodziny. Stratehija budzie «adsočvać ekstremisckija tendencyi», kab raspracavać sposaby spynieńnia i adciahnieńnia ludziej ad ich, praciahnuła ministr.
Pavodle jaje słoŭ, novaja stratehija taksama vyjavić prabieły ŭ isnujučaj palitycy, jakija nieabchodna likvidavać, kab spynić dziejnaść tych, chto prasoŭvaje škodnyja i nienaviśnickija pierakanańni i hvałt».
Kupier ličyć, što ŭ apošnija hady baraćba z ekstremizmam stała vielmi vychałaščanaj.
Jak skłałasia žyćcio vunderkinda z Žodzina, jaki ŭ 12 hadoŭ pastupiŭ u miedycynski ŭniviersitet?5
Kamientary