U Minsku pastaviać pomnik kačcy, jakaja vyhadavała ptušaniat na kłumbie ŭ centry horada
Śbier Bank užo abviaściŭ konkurs na najlepšy prajekt pomnika. Jaho mohuć prapanavać jak prafiesijnyja skulptary i mastaki, tak i prosta talenavityja ludzi, hatovyja padzialicca svaim bačańniem abjekta, piša «Anłajnier».
Naprykancy traŭnia kačka źniesła jajki na kłumbie kala budynka Śbier Banka (hety toj budynak, dzie raniej płanavałasia zrabić hatel «Kiempinski») i pačała ich hadavać. Kab joj nie pieraškadžali, terytoryju abnieśli stužkaj.
Paśla taho kačcy kožny dzień prynosili korm. Kali šeść kačaniat vyłupilisia, maci adpraviłasia ź imi da raki Śvisłačy, kab navučyć płavać.
Roliki z kačkaj sabrali miljony prahladaŭ u sacsietkach. Zdajecca, što za jaje losam naziraŭ uvieś Minsk. Za ptuškaj zamacavałasia narodnaja mianuška ŚbierUtka, choć u samim banku joj dali inšaje imia — Kapiejka. Tak budzie nazyvacca i budučaja skulptura.
Kamientary