У Мінску паставяць помнік качцы, якая выгадавала птушанят на клумбе ў цэнтры горада
Сбер Банк ужо абвясціў конкурс на найлепшы праект помніка. Яго могуць прапанаваць як прафесійныя скульптары і мастакі, так і проста таленавітыя людзі, гатовыя падзяліцца сваім бачаннем аб'екта, піша «Анлайнер».
Напрыканцы траўня качка знесла яйкі на клумбе каля будынка Сбер Банка (гэты той будынак, дзе раней планавалася зрабіць гатэль «Кемпінскі») і пачала іх гадаваць. Каб ёй не перашкаджалі, тэрыторыю абнеслі стужкай.
Пасля таго качцы кожны дзень прыносілі корм. Калі шэсць качанят вылупіліся, маці адправілася з імі да ракі Свіслачы, каб навучыць плаваць.
Ролікі з качкай сабралі мільёны праглядаў у сацсетках. Здаецца, што за яе лёсам назіраў увесь Мінск. За птушкай замацавалася народная мянушка СберУтка, хоць у самім банку ёй далі іншае імя — Капейка. Так будзе называцца і будучая скульптура.
Арыштаваны 75‑гадовы Зміцер Санько — ветэран-выдавец3
Каментары