Na praklony dački Iryny Faryjon zabojca nijak nie reahavaŭ, a zajaviŭ: «Čas pakaža»
Va Ukrainie raspaviali padrabiaznaści taho, jak zatrymali padazravanaha ŭ zabojstvie ŭ Lvovie eks-deputata i movaznaŭcy Iryny Faryjon. Siłaviki raskazali, jak jon rychtavaŭsia da zabojstva i pakazali videakadry zatrymańnia, paviedamlaje Bi-bi-si — Ukraina.
![](http://nashaniva.com/img/w840d4webp1/photos/z_2024_07/zinanka240726-5e907.jpg.webp)
18-hadovaha junaka zatrymali napiaredadni ŭ Dniapry. Jaho imia aficyjna nie nazyvajuć, choć ukrainskija ŚMI ŭžo jaho raspaŭsiudzili. A na sudzie pa abrańni miery strymańnia, jaki pačaŭsia ŭ Lvovie, chłopiec pradstaviŭsia sam: Viačasłaŭ Zinčanka.
Padčas pasiadžeńnia junak trymaŭsia ŭpeŭniena. Dačka Iryny Faryjon sprabavała ź im havaryć i spytała, navošta jon zabiŭ jaje maci.
«Čas pakaža», — adkazaŭ jon. Na praklony dački jon nijak nie reahavaŭ.
Vyšuk chłopca doŭžyŭsia 139 hadzin.
«Heta złačynstva było nialohka rasśledavać, bo jano było staranna spłanavana», — zajaviŭ žurnalistam kiraŭnik MUS Ihar Klimienka.
Pravaachoŭniki «całkam ustanavili chranamietraž padazravanaha», heta značyć toje, što jon rabiŭ ciaham 20 dzion padrychtoŭki da złačynstva.
Samaje składanaje, kaža Klimienka, było identyfikavać asobu zabojcy. I heta ŭ vialikaj stupieni ŭdałosia zrabić dziakujučy adnoj z žančyn-śviedak, jakaja dała śledstvu fatahrafiju mužčyny ŭ panamcy, jaki doŭhi čas prychodziŭ i siadzieŭ kala doma Faryjon.
Hety zdymak palicyja raspaŭsiudziła ŭ pieršyja dni paśla zabojstva z prośbaj da hramadzian ab dapamozie.
«U nas było fota, jakoje vy ŭsie bačyli… My apytali śviedak i vyrazna zrazumieli, što mienavita hetaja asoba na fota ździejśniła złačynstva», — adznačyŭ kiraŭnik Nacpalicyi Ivan Vyhoŭski.
Pierad zabojstvam padazravany pravodziŭ raźviedku, kažuć pravaachoŭniki. U Lvovie jaho zafiksavała šmat kamier videanazirańnia. Tam jon źmianiŭ try miescy pražyvańnia, i ŭsie ź ich — u centry horada.
Usie kvatery jon zdymaŭ praz sajt Booking. I pravaachoŭniki majuć paćvierdžańnie taho, što mienavita zatrymany mužčyna braniravaŭ hetyja pamiaškańni.
Vopratku, u jakuju jon pieraapranuŭsia dla zabojstva, padazravany adpraviŭ sabie ŭ Lvoŭ z Dniapra: panamu, akulary i sumku praź plačo.
Siarod hetych rečaŭ taksama była nakładnaja barada, ale ci vykarystaŭ jon jaje, jašče nie ŭstalavali. Na nabyćcio mienavita hetych rečaŭ byli zapyty z kanfiskavanaha telefona zatrymanaha, kažuć u paćvierdžańnie svaich słoŭ pravaachoŭniki.
Pieršy namieśnik staršyni SB Ukrainy Siarhiej Andruščanka adznačyŭ, što adna ź viersij, jakuju razhladajuć, — dačynieńnie śpiecsłužbaŭ Rasii.
Nijakich padrabiaznaściaŭ adnosna jaje pravaachoŭniki nie dali, adnak pakazali skryn pierapiski ŭ telefonie zatrymanaha, jakija mohuć śviedčyć pra jaho pohlady i śvietapohlad.
U Dniapry junak pražyvaŭ z mamaj. Tam jaho i zatrymali
Padazravany taksama padrychtavaŭ u telefonie list, jaki, jak miarkuje śledstva, jon pavinien byŭ adpravić, kali b «niešta pajšło nie tak».
Na bryfinhu pračytali adzin radok z hetaha lista na ruskaj movie: «Prošu objaśniť, v piervuju očieried́ otcu, čto ja skryvał eto radi ich žie biezopasnosti».
Adnak list jon nikomu tak i nie adpraviŭ.
Siarod matyvaŭ, jakija praviarajuć pravaachoŭniki — relihijnaja ci nacyjanalnaja nianaviść.
Čamu Faryjon
Iryna Faryjon z valizkaj čakała kala svajho doma taksi. Zabojca padyšoŭ da jaje amal uščylnuju i zastreliŭ. Tak apisali pravaachoŭniki momant zabojstva.
Praz dva dni, 21 lipienia, padazravany vyjechaŭ ciahnikom ź Lvova, a ranicaj nastupnaha dnia prybyŭ u Dniapro.
Iryna Faryjon była ŭ pošukavych zapytach na jaho telefonie. Adnak jon pieračytvaŭ i inšyja profili ŭkrainskich palitykaŭ i aktyvistaŭ, jakija «mahli jaho cikavić», u pryvatnaści prarasijskaha palityka i błohiera Maksa Bužanskaha.
Čamu ž za achviaru jon vybraŭ mienavita Irynu Faryjon?
«Ja dumaju, što jana była samaja biezabaronnaja siarod ich», — tak adkazaŭ na hetaje pytańnie žurnalistaŭ Ihar Klimienka.
Jašče adno pytańnie, na jakoje Ihar Klimienka nie adkazaŭ, adnak paabiacaŭ, što śledstva daść na jaho adkaz nieŭzabavie, — heta adkul mužčyna braŭ hrošy na padrychtoŭku da zabojstva.
Zbroja, ź jakoj adbyŭsia streł, taksama pakul nie znojdziena. «Ja dumaju heta pytańnie niekalkich dzion. Jon abmoviŭsia,što jon jaho (pistalet) schavaŭ», — skazaŭ Ihar Klimienka
Streł zrabili ź pierapracavanaha pistaleta, na miescy zdareńnia znajšli spartyŭnuju hilzu.
Nieŭzabavie zatrymanamu pavinny abrać mieru strymańnia, jaho padazrajuć pa artykule ab naŭmysnym zabojstvie i prosiać mieru strymańnia ŭ vyhladzie ŭtrymańnia pad vartaj biez prava zakładu.
Zatrymali padazravanaha ŭ zabojstvie Iryny Faryjon
Kiraŭnik MUS Ukrainy: Strałok u Faryjon — tolki vykanaŭca
Raiła bić nahoj u skivicu kožnamu maskvarotamu, nazyvała akupacyju Maryupala karmaj — chto takaja Iryna Faryjon, jakuju zabili ŭ Lvovie
U Lvovie stralali ŭ palityka Irynu Faryjon. Jana ŭ krytyčnym stanie
Iryna Faryjon pamierła ŭ balnicy
Kamientary
I aproč spadarynt Faryjon, zabity mieŭ by być spadar Sałaŭjoŭ ź niejkaha rasiejskaha dziaržkanała.
Ahulnaje dziela nazvanaha zabojcam pamiž F i S toje, što tyja siejuć varožaść ŭsiaredzinie biełaje rasy, pavodle nvdumanaje nacyjanalnaje prykmiety