U Drybinie prydumali aryhinalnuju, ale niezakonnuju schiemu ekanomii na palivie
U Drybinie na Mahiloŭščynie rabotnik miascovaha pradpryjemstva zapraŭlaŭ asabistyja aŭtamabili pryjacielaŭ pracoŭnaj paliŭnaj kartaj. U vyniku mužčyny prysvoili dyzielnaha paliva na 32 tysiačy rubloŭ — bolš za 13 tysiač litraŭ. Ale ŭrešcie schiemu raskryli.
Śledčyja vyjavili, što 39-hadovy rabotnik arhanizacyi vałodaŭ pa pracy elektronnaj paliŭnaj kartaj. Mužčyna rehularna pieradavaŭ «płastyk» svaim trom znajomym, jakija pryjazdžali na AZS i zapraŭlali pracoŭnym palivam asabistyja aŭtamabili, paśla čaho raźličvalisia ź fihurantam. Paliva abychodziłasia im praktyčna ŭdvaja tańniej.
Vykradzieny takim čynam «dyziel fihurant nie śpisvaŭ — paliva ličyłasia za im dakumientalna jak rešta.
Suma škody ad dziejańniaŭ supracoŭnika skłała zvyš 32 tysiač rubloŭ. Zaviedzienaja kryminalnaja sprava za prysvajeńnie, ździejśnienaje ŭ bujnym pamiery, usie zmoŭščyki zatrymanyja.
Kamientary