Virusnaje videa ŭ instahramie ŭźniało vialikuju sacyjalnuju prablemu ŭ Minsku
U sacsietkach razyšłosia videa, jak vazočnik pierasiakaje praśpiekt Niezaležnaści kala HUMa ŭ Minsku. Mužčyna prosta razam z patokam mašyn vyjazdžaje na darohu (u tym miescy niama naziemnaha piešachodnaha pierachodu, tolki padziemny), kab trapić na inšy bok.
![](http://nashaniva.com/img/w840d4webp1/photos/z_2024_08/631-i8t6z.png.webp)
Kali i pry jakich abstavinach było źniata videa, nieviadoma.
U kamientarach mierkavańni padzialili. Chtości aburajecca takim nieabdumanym ryzykoŭnym učynkam i zaŭvažaje, što naziemny pierachod jość u sotni mietraŭ ad miesca. Inšyja źviartajuć uvahu na prablemu ź biezbarjernym asiarodździem i apraŭdvajuć mužčynu na vazku: maŭlaŭ, a jakoje ŭ jaho vyjście?
«Ničoha dziŭnaha, vy bačyli spuski ŭ pierachodzie? Amierykanskija horki adpačyvajuć», — pišuć u kamientarach.
«Ja ciapier razumieju, kali ź dziciem i z kalaskaj sprabavała prajechać pa horadzie… Heta ž nakolki ludzi biez razumieńnia robiać pandusy dla kalasak».
«Jezdžu na rovary i časam pa horadzie. Zaŭsiody pytańnie. Choć nie, navat prapanova. Možna architektaraŭ hetaha ŭsiaho (novyja stancyi i pierachody taksama pa takim pryncypie budujucca) spuścić choć by raz u ich ža infrastrukturu. Choć nie, razu budzie mała. Na paŭhoda z rovarami i kalaskami».
«Spačatku stvorać maksimalna niazručnaje asiarodździe dla invalidaŭ, potym aburajucca. Pryvykli ŭsie prablemy zamiatać pad dyvan. Chaj jeździć čałaviek i jašče natoŭp z saboj pryviadzie. Ludziej z abmiežavanymi mahčymaściami šmat. Što jany chavajucca pa kutach, tamu što vam niazručna ich bačyć, nie značyć, što ich niama», — dzielacca mierkavańniem.
-
Kiraŭnica internet-prajektaŭ ANT raspaviała, čamu raptoŭna zvolniłasia ŭ 2022 hodzie i jak źjechała ŭ Aŭstraliju
-
«Kab być ź fizičnym śvietam na ty». Žurnalist Hałko, pierabraŭšysia z Ukrainy ŭ Polšču, pajšoŭ pracavać na stajniu
-
Biełarus zdoleŭ pierakanać sud, što jaho pryznali pahrozaj dla biaśpieki Polščy biespadstaŭna
Kamientary
i ichnych naščadkaŭ