Haradzieniec vyrašyŭ, što jahonyja nažy ŭžo kiepskija, i vykinuŭ ich z bałkona. Adzin z nažoŭ trapiŭ u piensijanierku
Mužčyna, vypiŭšy, pravioŭ invientaryzacyju kuchonnych pryboraŭ. A skončyłasia ŭsio kryminalnaj spravaj.
![](http://nashaniva.com/img/w840d4webp1/photos/z_2024_08/1-ytmeq.jpg.webp)
14 žniŭnia ŭ milicyju źviarnułasia 76-hadovaja žycharka Hrodna. Žančyna hulała pa vulicy, kali ŭ jaje raptam prylacieŭ nož. Na ščaście, nož udaryŭ piensijanierku nie lazom, a ručkaj — usio abyšłosia hiematomaj.
Nieŭzabavie siłaviki znajšli haspadara naža — 41-hadovaha miascovaha žychara. Jon raspavioŭ, što, vypiŭšy, vyjšaŭ na bałkon prainśpiektavać jakaść svaich nažoŭ, piša NewGrodno.by.
Stan nažoŭ jaho nie zadavoliŭ, tamu jon vyrašyŭ adrazu ž vykinuć prybory z bałkona.
Jak paviedamlaje SK, mužčyna raniej pryciahvaŭsia da kryminalnaj adkaznaści za ŭchileńnie ad alimientaŭ. Ciapier jon nidzie nie pracuje.
Na haradzienca pačali kryminalnuju spravu za chulihanstva.
Kamientary