Гарадзенец вырашыў, што ягоныя нажы ўжо кепскія, і выкінуў іх з балкона. Адзін з нажоў трапіў у пенсіянерку
Мужчына, выпіўшы, правёў інвентарызацыю кухонных прыбораў. А скончылася ўсё крымінальнай справай.
Фота: СК
14 жніўня ў міліцыю звярнулася 76-гадовая жыхарка Гродна. Жанчына гуляла па вуліцы, калі ў яе раптам прыляцеў нож. На шчасце, нож ударыў пенсіянерку не лязом, а ручкай — усё абышлося гематомай.
Неўзабаве сілавікі знайшлі гаспадара нажа — 41-гадовага мясцовага жыхара. Ён распавёў, што, выпіўшы, выйшаў на балкон праінспектаваць якасць сваіх нажоў, піша NewGrodno.by.
Стан нажоў яго не задаволіў, таму ён вырашыў адразу ж выкінуць прыборы з балкона.
Як паведамляе СК, мужчына раней прыцягваўся да крымінальнай адказнасці за ўхіленне ад аліментаў. Цяпер ён нідзе не працуе.
На гарадзенца пачалі крымінальную справу за хуліганства.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары