Vajskovaje miastečka dla niamieckich vajskoŭcaŭ pabudujuć u Rudninkai za 20 km ad miažy ź Biełaruśsiu. Na bazie raźmieściać da 4000 sałdat i aficeraŭ.
![](http://nashaniva.com/img/w840d4webp1/photos/z_2024_08/-c7zak.jpg.webp)
U Litvie pačałosia budaŭnictva vajskovaj bazy, na jakoj płanujecca raźmiaścić da 4000 niamieckich vajskoŭcaŭ, paviedamiŭ u paniadziełak, 19 žniŭnia, bryhadny hienierał Rajmundas Vajkšnaras, kamandujučy litoŭskimi ŭzbrojenymi siłami, piša DW.
«Siońnia histaryčny dzień, praź niekalki hadoŭ budzie pabudavany adzin z najbujniejšych prajektaŭ u historyi niezaležnaj Litvy — dastatkova sučasnaje vajskovaje miastečka», — skazaŭ jon.
Miastečka płoščaj 170 hiektaraŭ budzie dysłakavacca na palihonie Rudninkaj, jaki znachodzicca ŭ 20 km ad miažy ź Biełaruśsiu. Na bazie, u pryvatnaści, abstalujuć strelbiščy, a taksama raźmieściać i buduć absłuhoŭvać tanki i inšuju techniku.
Pa słovach Rajmundasa Vajkšnarasa, košt uźviadzieńnia bazy pieravysić 1 młrd jeŭra. Heta budaŭnictva stanie adnym z najbujnych prajektaŭ u historyi niezaležnaj Litvy.
«Bryhada pasłužyć harantyjaj dla našaha nasielnictva i strymlivańniem dla rasiejcaŭ», — adznačyŭ hienierał.
Hiermanija adpravić u Litvu bryhadu bundeśviera
Urad Hiermanii na fonie poŭnamaštabnaj vajny RF suprać Ukrainy vyrašyŭ umacavać uschodni fłanh NATA i raźmiaścić u Litvie na pastajannaj asnovie bryhadu bundeśviera kolkaściu kala 5000 čałaviek. Jana pavinna dasiahnuć stanu poŭnaj bojehatoŭnaści da 2027 hoda i budzie naličvać kala 4800 sałdat i aficeraŭ bundeśviera, a taksama 200 hramadzianskich słužačych, jakija atrymajuć mahčymaść pryvieźci ŭ Litvu svaje siemji.
Bolšuju častku sałdat płanujuć dysłakavać na vajskovaj bazie ŭ Rudninkai, jašče kala 1000 čałaviek buduć raźmieščany na inšych abjektach u Litvie.
Kamientary