Radyjostancyja z 100‑pracentnym napaŭnieńniem biełaruskaj muzykaj pačała viaščańnie ŭ siecivie. Płany ŭ zasnavalnikaŭ «Svajho radyjo» ambitnyja — zrabić prafiesijnuju biełaruskamoŭnuju radyjostancyju i vyjści ŭ češski FM‑efir.
«Svajo radyjo» tolki što pačało svajo viaščańnie ŭ internecie. Jaho stvaralnik Dzianis Łamiejka try hady žyvie ŭ Čechii, ale pazicyjanuje svaju zadumu nie jak radyjo nacyjanalnaj mienšaści, a jak ahulnabiełaruskuju stancyju. «Zachaciełasia niešta zrabić dla dušy dy zaśviedčyć, što biełaruskaja muzyka — cikavaja i raznastajnaja źjava», — kaža Dzianis.
Farmat u «Svajho radyjo» — 100% ajčynnaj muzyki roznych stylaŭ — ad mietału da chip‑chopu. «Mova vykanańnia dla nas roli nie hraje — najpierš heta biełaruskaja, ale bahata jakasnych piesień u vykanańni biełarusaŭ i na inšych movach. Papsy na našym radyjo nie pačuješ, u asnoŭnym budzie hučać toje, čaho niama na biełaruskich FM‑ctancyjach. Miarkuju, što popyt na takoje radyjo budzie abaviazkova», — apaviadaje Dzianis.
Pakul «Svajo radyjo» hučyć u testavym režymie. Nadalej płanujecca zapuścić muzyčnyja prahramy.
Siarod ich — aŭtarskaja prahrama Andrusia Takindanha pra sučasnuju biełaruskuju kulturu, prahrama «Muzyčny rehijon» sa znajomstvam ź niestaličnymi kamandami, prahrama «Susiedzi», dzie budzie hučać muzyka polskich, češskich, słavackich, ukrainskich hurtoŭ. Stvaralniki «Svajho radyjo» płanujuć nie spyniacca ŭ raźvićci i ŭ budučyni ŭvajści ŭ FM‑prastoru Čechii.
Pasłuchać «Svajo radyjo» možna tut.
Kamientary