U «śpis ekstremistaŭ» dadali jašče 28 čałaviek — ciapier u im 4353 proźviščy
Heta i tyja, chto ciapier za kratami, i tyja, chto ŭžo vyzvaliŭsia.
23 žniŭnia MUS tradycyjna abnaviła «Pieralik hramadzian Biełarusi, zamiežnych hramadzian abo asob biez hramadzianstva, jakija majuć dačynieńnie da ekstremisckaj dziejnaści».
U śpis dadałosia 28 čałaviek. Siarod inšych, dadali asudžanych za «ździek ź dziaržsimvałaŭ» Darju Zajac i Valeryju Drahun, a taksama viadomaha śpievaka Rusłana Muśvidasa.
Usiaho ŭ śpisie ciapier 4353 čałavieki.
U hety śpis uklučajuć jak biełarusaŭ, tak i hramadzian inšych dziaržavaŭ, asudžanych pa «złačynstvach ekstremisckaj nakiravanaści» paśla prezidenckich vybaraŭ u 2020 hodzie. Heta ludzi, jakich asudzili pa kryminalnych spravach. Asudžanyja pa administracyjnych artykułach nie ŭklučajucca ŭ hety śpis. Heta takija artykuły Kryminalnaha kodeksa, jak naprykład, 293 (udzieł u masavych biesparadkach), 342 (aktyŭny ŭdzieł u dziejańniach, jakija hruba parušajuć hramadski paradak), 369 (abraza pradstaŭnika ŭłady), 130 (raspalvańnie inšaj sacyjalnaj varožaści), 361-1 (udzieł u ekstremisckim farmiravańni), 341 (apahańvańnie majomaści) i inšyja «pratesnyja artykuły».
MUS uklučaje i tych, chto ciapier u miescach niavoli adbyvaje termin, i tych, užo vyjšaŭ na volu, i tych, u kaho ŭžo navat pahašana sudzimaść.
Kamientary
Zanižajučy ŭ razy maštaby represij u Biełarusi.