Płan Trampa pa Ukrainie praduhledžvaje zamarozku vajny i admovu Kijeva ad ustupleńnia ŭ NATA
Pra płany kandydata ŭ prezidenty ZŠA Donalna Trampa adnosna ŭkrainskaha pytańnia zajaviŭ kandydat u vice-prezidenty Džej Dzi Vens, jaki idzie na vybary ź im u pary.
«Dumaju, heta budzie vyhladać tak. Tramp sadzicca i kaža rasijanam, ukraincam i jeŭrapiejcam: «Vy, chłopcy, pavinny vyśvietlić, jak vyhladaje mirnaje ŭrehulavańnie». I, vierahodna, jano budzie vyhladać prykładna hetak ža sama, jak ciapierašniaja linija raźmiežavańnia pamiž Rasijaj i Ukrainaj. Heta stanie jak demilitaryzavanaja zona. Jana budzie mocna ŭmacavanaja, kab rasijanie nie ŭvarvalisia znoŭ», — rastłumačyŭ Vens u efiry padkasta Shawn Ryan Show.
Pry hetym Ukraina, pavodle jaho słoŭ, zachavaje svoj suvierenitet, ale admovicca ad ustupleńnia ŭ lubyja vajenna-palityčnyja sajuzy.
«Rasija atrymlivaje ad Ukrainy harantyju niejtralitetu, što jana nie ŭstupaje ŭ NATA, nie ŭstupaje ni ŭ jakija sajuźnickija instytuty», — dadaŭ kandydat u vice-prezidenty ZŠA.
Na dumku Vensa, apłačvać adnaŭleńnie krainy pavinna budzie Jeŭropa.
«Jeŭropa, darečy, niedafinansavała padtrymku Ukrainy, tady jak amierykanskija padatkapłacielščyki byli vielmi ščodryja da ŭkraincaŭ», — skazaŭ jon.
Tramp na debatach z Charys zajaviŭ, što mihranty jaduć katoŭ i sabak amierykancaŭ. Adkul uziaŭsia hety miem?
Ukrainu šturchajuć da płana B — The Wall Street Journal
Charys: Pucin źjeŭ by Trampa na abied
Tramp pra słovy Pucina pra Charys: Nie viedaju, abraziŭ jon mianie ci akazaŭ mnie pasłuhu
Pucin zajaviŭ, što padtrymlivaje Charys na vybarach u ZŠA, bo jana zaraźliva śmiajecca
Kamientary