U Homieli čakajecca da +34 hradusaŭ.
Na nastupnym tydni budzie pieravažna biez daždžoŭ, a siaredniesutačnaja tempieratura pavietra pieravysić klimatyčnuju normu na 5-7°C, što dla kanca leta možna ličyć padarunkam pryrody. Pra heta raskazaŭ sinoptyk Dźmitryj Rabaŭ na ANT.
U pačatku tydnia na nadvorje akaža ŭpłyŭ antycykłon z centram nad Bałtyjskim moram, jon pryniasie źmiennuju vobłačnaść, bieź istotnych daždžoŭ. U ranišnija hadziny miescami tuman. Viecier paŭnočny, paŭnočna-ŭschodni, umierany. Vilhotnaść da 60%. Unačy ad +13 da +18°C, u dzionnyja hadziny ŭ paniadziełak +27…+33°C, u aŭtorak +28… + 34°C.
U siaredzinie tydnia zachavajecca ŭpłyŭ antycykłonu. Pieramiennaja vobłačnaść. Bieź istotnych apadkaŭ. Viecier paŭnočna-ŭschodnich napramkaŭ, umierany. Nočču i ranicaj miescami tuman. Vilhotnaść da 70%. Tempieratura ŭnačy ad +12 da +17°C. Udzień u sieradu ad +26°C u Viciebsku da + 34°C u Homieli.
I, papiarednie, u pačatku druhoj pałovy tydnia mieteaŭmovy istotna nie źmieniacca. Pa-raniejšamu biez daždžoŭ. Vilhotnaść da 60%. Pad ranicu miescami tuman. Viecier uschodniaj čverci, umierany. Nočču +12 … + 17°C. Dniom u čaćvier ad +27°C pa poŭnačy da +34°C pa paŭdniovym uschodzie, u piatnicu +25 … + 31°C.
U vychadnyja — pieramiennaja vobłačnaść, abydziecca bieź istotnych apadkaŭ. Nočču i ranicaj miescami tuman, bačnaść da paŭkiłamietra. Viecier uschodniaj čverci, umierany. Vilhotnaść da 7%. Unačy +13… + 17°C, u siaredzinie dnia ŭ subotu ad +26 da +32°C, u niadzielu, u pieršy dzień vosieni, +23…+29°C.
Ciapier čytajuć
«Jana zabrała dziaciej i viarnułasia ŭ Minsk»: historyja biełarusa, jaki emihravaŭ u Barsiełonu ź siamjoj, a zastaŭsia adzin9
«Jana zabrała dziaciej i viarnułasia ŭ Minsk»: historyja biełarusa, jaki emihravaŭ u Barsiełonu ź siamjoj, a zastaŭsia adzin
«Ludzi chočuć pieramovaŭ z tymi, chto maryć ich źniščyć fizična». Hutarka z Alaksandram Kabanavym pra žyćcio, «Biełpoł» i razychodžańnie ź Piatruchinym88
Kamientary