Zdareńni1212

U Biełaruś za noč zalacieli nie mienš za vosiem šachiedaŭ. Adzin ź ich źbiła SPA Rasii

Z vaśmi šachiedaŭ, jakija zalacieli ŭ Biełaruś unačy, jak minimum dva byli źbityja, nahadvaje Biełaruski Hajun.

Minułaj nočču ŭ pavietranuju prastoru Biełarusi pranikli minimum vosiem šachiedaŭ. Pieršaja hrupa z dvuch dronaŭ pierasiekła miažu ź Biełaruśsiu kala 01:08 i ruchałasia kursam na Homiel. U 01:34 i 01:36 nočy pa šachiedach pačała pracavać SPA Rasii, źbiŭšy jak minimum adzin ź ich — žychary Homiela čuli vybuchi i bačyli ŭ niebie pałajučy šachied.

Ab pracy rasijskaj SPA ŭnačy pisali i aficyjnyja resursy. Vierahodna, pa šachiedach pracavała padraździaleńnie 1530-ha zienitnaha rakietnaha pałka US RF (v/č 31458, na ŭzbrajeńni — ZRK S-400, ZRPK «Pancyr«), jakoje dysłakujecca na aeradromie «Ziabraŭka» ŭ Homielskim rajonie.

Viadoma, što šachied upaŭ na cahlany budynak składa ŭ Homieli pa 8-m zavułku Iljiča, u vyniku čaho skład zahareŭsia.

Fota: MNS

«U vyniku padzieńnia mierkavana źbitaha bieśpiłotnaha latalnaha aparata adbyłosia zaharańnie cahlanaha budynka składa ŭ Homieli pa 8-m zavułku Iljiča. Padraździaleńni MNS likvidavali pažar. Nichto nie paciarpieŭ. Ahniom paškodžana 5 kv. mietraŭ dachu», — havorycca ŭ paviedamleńni Ministerstva pa nadzvyčajnych situacyjach. Adnak, miarkujučy pa fotach, płošča paškodžanaha dachu našmat bolšaja.

Fota: MNS

Padčas pracy SPA ŭ Homieli nie ŭklučali siren pavietranaj tryvohi.

U dalejšym šachiedy praciahnuli zachodzić u pavietranuju prastoru Biełarusi: U 02:28, 03:10, 06:47, 06:56 i 07:54. Častka šachiedaŭ pieramiaściłasia nad terytoryju Ukrainy, inšyja ž sychodzili ŭhłyb Biełarusi kursami na Mazyr, Chojniki i Brahin.

Na praciahu ŭsioj nočy ŭ niebie nad Homielskaj vobłaściu lotali źniščalniki VPS RB z Baranavičaŭ i zapuskali rakiety, sprabujučy źbić šachiedy. Kala 02:30 nad Chojnickim rajonam byli čuvać niekalki zapuskaŭ rakiet i vidać trapleńnie ŭ šachied.

Z vaśmi šachiedaŭ, jakija zalacieli ŭ Biełaruś nočču 5 vieraśnia, 2 šachiedy było źbita (nad Homielskim i Chojnickim rajonami), astatnija šeść pakinuli terytoryju Biełarusi i/abo prapali bieź viestak.

Rasijskija siły SPA, imavierna, upieršyniu pracavali pa svaich bieśpiłotnikach u biełaruskim niebie. Akramia taho, adzin bieśpiłotnik spravakavaŭ razbureńni na ziamli na terytoryi Biełarusi.

Kamientary12

  • 05.09.2024
    Pytańnie. Heta byli štatnyja zaprahramavanyja šlachi palotaŭ , ci pamyłka abstalavańnia ? Ŭ pieršim vypadku ŭźnikaje pytańnie , ź jakoj metaj .
    Ŭ druhim , jakaja havorka moža iści ab
    " vysokadakładnym rasiejskim ŭzbrajeńni " . " My nia źniščajem cyvilnaha nasielnictva " ? Vy navat pa Ukrainie pacelić nia zdolny .

    Ad Red. Imavierna, heta vynik uździejańnia srodkaŭ REB, čytajcie ŭ našym artykule pra raniejšyja takija vypadki.
  • Hala
    05.09.2024
    Chrenin, Ryžankoŭ, Łukašenka, čamu maŭčycie jak u rot vady nabraŭšy, dzie vašyja dziejańni, dzie zajavy ŭ adras Maskvy? Rasijskija drony biezpieraškodna zalatajuć na terytoryju našaj krainy, latajuć nad našymi damami, užo navat jość pieršyja razbureńni. I ŭsio heta z-za złačynnych dziejańniaŭ vašaj Rasii i vašych asabistych rašeńniaŭ, heta poŭnaściu vaša adkaznaść, heta vy razam z kramlom pryciahnuli vajna na našu ziamlu.
  • Josik
    05.09.2024
    A što skažuć azaronak, hihin, markaŭ? I samy hałoŭny lamantar - dyrektar saŭhasa?

«Prosta zalivaješsia ślaźmi i dumaješ: za što?» Iryna Ščasnaja i jaje čatyry balučyja hady za kratami4

«Prosta zalivaješsia ślaźmi i dumaješ: za što?» Iryna Ščasnaja i jaje čatyry balučyja hady za kratami

Usie naviny →
Usie naviny

Rasijski baćka pajšoŭ vajavać va Ukrainu paśla hibieli tam syna, ale pieršym pachavali jaho samoha17

«Kali pierajšoŭ na Videobel pa spasyłcy». Najlepšyja tvity tydnia5

Chmiel u Biełarusi vyroščvaje adna siamja. Tata adradziŭ, naščadki praciahvajuć2

52 achviary. Historyja mižvajennych sieryjnych zabojcaŭ, jakija lubili Hrodna2

«Što heta za žaleznyja dryvasieki i čamu dziaŭčynka zihuje?» VIDEA16

Ukrainskim pałonnym siońnia pierad abmienam uručyli pakiety z łukašenkaŭskaj simvolikaj6

«Daktary padazrajuć sardečny prystup». Biełarusa, jaki abviaściŭ haładoŭku ŭ Litvie, zabrała chutkaja7

Aršanskaha čynoŭnika, letaś asudžanaha za karupcyju, znoŭ zaŭvažyli pobač z kiraŭnikami2

U Minsku źbirajucca pašyryć vulicu Maksima Bahdanoviča

bolš čytanych navin
bolš łajkanych navin

«Prosta zalivaješsia ślaźmi i dumaješ: za što?» Iryna Ščasnaja i jaje čatyry balučyja hady za kratami4

«Prosta zalivaješsia ślaźmi i dumaješ: za što?» Iryna Ščasnaja i jaje čatyry balučyja hady za kratami

Hałoŭnaje
Usie naviny →