Eks-zorka zbornaj Hiermanii raśpiłavaŭ bienzapiłoj haraž susieda, jaki psavaŭ jamu vid
Haraž zaminaŭ Jensu Lemanu lubavacca vozieram.
Były bramnik zbornaj Hiermanii i «Arsienała» Jens Leman pryznaŭ siabie vinavatym u tym, što raśpiłavaŭ bienzapiłoj haraž, jaki psavaŭ jamu vid. U chodzie apielacyjnaha razboru ŭ Miunchienie Leman pahadziŭsia z abvinavaŭčym prysudam pa spravie ab naniasieńni škody majomaści i sprobie machlarstva, piša Bild.
Sud maje vyrašyć, jaki štraf vypłacić Leman.
Były hałkipier zbornaj Hiermanii paŭstaŭ pierad sudom za toje, što letam 2022 hoda raśpiłavaŭ bienzapiłoj belku dachu niadaŭna pabudavanaha haraža na ŭčastku svajho susieda na voziery Štarnbierh. Pa viersii śledstva, Leman zrabiŭ hetaje, bo haraž pieraškadžaŭ jamu hladzieć na voziera.
Inšaja častka abvinavačvańnia źviazana z tym, što Leman admoviŭsia apłačvać parkoŭku svajho aŭtamabila Porsche ŭ aeraporcie Miunchiena.
Vyjazdžajučy z parkoŭki, jon prycisnuŭsia ŭščylnuju da inšaha aŭtamabila i prajechaŭ pad šłahbaŭmam, zekanomiŭšy pry hetym krychu mienš za 230 jeŭra.
Paśla taho jak Leman pryznaŭ svaju vinu, sudovy praces moža być značna skaročany. Advakat Lemana i prakuratura damovilisia ab uhodzie jašče da pačatku pracesu.
«Spadar Leman pryznaje svaju vinu. Jon dasiahnuŭ pahadnieńnia z susiedziami. A parkoŭka ŭ vyniku była apłačanaja», — rastłumačyŭ advakat Lemana Fłaryjan Ufier.
Udakładniajecca, što Leman u jakaści kampiensacyi addaŭ susiedu, čyj haraž jon paškodziŭ, 60 tysiač jeŭra.
«Vy ž sami razumiejecie». Horki manałoh biełaruskaha nastaŭnika2
Kamientary