86-гадовую пенсіянерку ў Германіі высяляюць з дома. Суседзі данеслі, што яна карміла птушак
Барбара Фрэйдэнберг ужо 58 гадоў жыве ў аднапакаёвай кватэры ў панэльным доме ў Дрэздэне. Яна засталася адна з кошкай Лунай, піша Bild.
«Быць адной нядобра. Таму я карміла птушак, — кажа немка. — Птушачкі дастаўлялі мне шмат радасці, я не хацела нікога хваляваць».
З мая 2020 года пенсіянерка стала атрымліваць пісьмовыя «папярэджанні з-за небяспекі для ўсіх жыхароў дома». Хтосьці з суседзяў стаў складаць падрабязныя скаргі з пратаколам назірання за тым, як жанчына раскідвала корм для птушак на лужку перад домам. Былі пазначаны дата, час і выгляд корму.
Ананім абвінаваціў Барбару ў тым, што кармленне птушак забаронена правіламі ўнутранага распарадку дома і прыводзіць да нашэсця пацукоў. Жанчына гатовая была адмовіцца ад хобі, але жыллёвы кааператыў даслаў ёй апавяшчэнне аб высяленні і падаў адпаведнае хадайніцтва ў суд.
«Напэўна, я б аказалася ў прытулку для бяздомных. Я страшэнна злякалася», — кажа Барбара.
Яна патраціла частку зберажэнняў на адвакатаў, каб абараніць сябе. У выніку за два дні да высялення суд пастанавіў адкласці яго да канца года праз пагрозу здароўю пенсіянеркі. Ёй таксама загадалі больш не карміць птушак.
Цяпер чытаюць
«З расіян-наведнікаў працэнтаў 70 аказваліся ватнікамі». Экс-гід з музея ВАВ, якога затрымлівалі яго ж экскурсанты, цяпер папулярны ў Варшаве — пагутарылі з ім14
Каментары