Вылупілася кволае, але вельмі мілае птушаня.
У сафары-парку Сан-Дыега два прыёмныя таты-фламінга выседзелі яйка і цяпер сумесна выкормліваюць птушаня, паведамляе Расійская служба Радыё Свабода.
Спецыялісты падклалі ў гняздо двух фламінга, якім ужо больш за сорак гадоў, аплодненае яйка — пасля таго, як яны паспяхова прайшлі тэст з муляжом яйка ў пачатку гэтага года.
«Пара адпрацавала свае бацькоўскія абавязкі, чаргуючы абавязкі па выседжванні», — распавёў парк у Instagram. У выніку ў фламінга вылупілася птушаня, якога таты выкормліваюць «птушыным малаком» з валляка.
«Карміць птушаня такім чынам могуць і самцы, і самкі», — паведамілі ў сафары-парку, адзначыўшы, што выступаць у ролі карміцеляў могуць таксама прыёмныя бацькі.
Фламінга з Сан-Дыега далучыліся да іншых аднаполых пар птушак, якія паспяхова вырасцілі дзіцянят. Раней птушанятка вывелі два самцы фламінга ў брытанскім Пейнтане, два самцы грыфонаў у Амстэрдаме і два самцы пінгвінаў у Нью-Ёрку.
-
Бабарыка, Золатава і яшчэ некалькі дзясяткаў былых палітвязняў заклікалі еўрапейскіх лідараў актыўней дамаўляцца наконт вызваленняў
-
Маленькага сына забітай у Ізраілі беларускі хоча забраць сям’я Алі, падазраванага ў забойстве. Дзед ідзе ў шарыяцкі суд
-
Севярынец расказаў, як на з’ездзе БХД лавілі агентаў
Каментары