U Šviejcaryi ŭ mašynie ŭ biełarusa i izrailcianina znajšli 61 kh psichatropu
U Šviejcaryi zatrymali hramadzianina Biełarusi i hramadzianina Izraila — u transpartnym srodku, na jakim jany jechali, było znojdziena 61 kiłahram narkotyku. Pra heta paviedamlaje «Biełaruś i śviet» sa spasyłkaj na Fiederalnaje ŭpraŭleńnie mytnaj i pamiežnaj biaśpieki hetaj krainy.
Aŭtamabil ź italjanskimi numarami byŭ pravierany 5 sakavika pry ŭjeździe na stancyju čyhunki pa transparciroŭcy aŭtamabilaŭ u horadzie Bryh, u kantonie Vale. Kiroŭca mašyny mieŭ hramadzianstva Biełarusi, pasažyr — Izraila.
Pry ahladzie mašyny ŭ bahažniku znajšli dźvie valizki, u kožnaj znachodziŭsia tolki kat — lohki narkatyčny stymulatar, što zdabyvajecca z raśliny, jakaja raście ŭ hornych rajonach Afryki i Blizkaha Uschodu. Ahulnaja vaha — 61 kiłahram.
Aŭtamabil i psichatrop byli pieradadzieny palicyi kantona Vale dla dalejšaha raźbiru. Rasśledavańnie viadziecca pad kiraŭnictvam prakuratury kantona.
Kamientary