38-hadovy Rafael Nadal aficyjna abviaściŭ pra zaviaršeńnie karjery. Finał 8-ha Kubka Devisa stanie jaho apošnim prafiesijnym tenisnym turniram, piša Mundo Deportivo.
«Ja sychodžu z prafiesijnaha tenisa. Realnaść takaja, što heta byli ciažkija niekalki hadoŭ, asabliva apošnija dva. Ja dumaju, što ja nie zmoh hulać biez abmiežavańniaŭ, jakija zaachvocili mianie pryniać hetaje rašeńnie», — adznačaje jon.
«U hetym žyćci va ŭsiaho jość pačatak i meta. Ja dumaju, što ciapier samy zručny čas, kab zaviaršyć toje, što było doŭhaj karjeraj. I značna bolš paśpiachovaj, čym ja kali-niebudź moh sabie ŭjavić», — kamientuje jon.
Nadal — karol 14 turniraŭ Roland Garros z 22 tytułaŭ Vialikaha šlema, kinie rakietku ŭ finale 8-ha tura ŭ Małazie, u jakim Ispanija zhulaje ź Niderłandami.
Rafael Nadal źjaŭlajecca adnym z najlepšych tenisistaŭ za ŭsiu historyju. Najbolš paśpiachova vystupaŭ na hruntavych kortach, na jakich vyjhraŭ rekordnych 63 turniry, za što jaho prazvali «karalom hruntu». Vyjhraŭ za karjeru 92 tytuły ŭ adzinočnym razradzie, u tym liku 36 — u sieryi «Masters».
Amierykanka raskazała, jak vykładała va ŭniviersitecie ŭ Viciebsku i navat dała paru ŭrokaŭ milicyi4
Kamientary