Беларусы папрасілі цалкам адмяніць папяровыя школьныя дзённікі. Мінадукацыі супраць
На партале «Зручны горад» з'явілася петыцыя: бацькі вучняў просяць цалкам адмяніць папяровыя школьныя дзённікі. Беларусы, якія падпісалі петыцыю, лічаць папяровы дзённік састарэлай практыкай.
Актывісты просяць увесці абавязковае выкарыстанне ва ўсіх навучальных установах краіны электронных дзённікаў.
«На сённяшні дзень папяровыя дзённікі ўяўляюць сабой састарэлы інструмент, які не толькі нязручны, але і стварае дадатковыя цяжкасці для ўсіх удзельнікаў адукацыйнага працэсу», — гаворыцца ў петыцыі.
Міністэрства адукацыі дало на гэта адказ за подпісам намесніка міністра Аляксандра Кадлубая, піша Blizko.by.
У дакуменце сказана, што нарматыўнымі прававымі актамі Мінадукацыі толькі дапускаецца выкарыстанне электроннага дзённіка, а наяўнасць папяровага з'яўляецца абавязковым.
Таксама паведамляецца, што цяпер ідзе распрацоўка «Электроннай школы», якая ўключыць у сябе і сэрвіс электронных дзённікаў. І адно толькі пасля гэтага па ўзгадненні школы і бацькоў з'явіцца магчымасць выкарыстання толькі электронных або толькі папяровых дзённікаў.
Цяпер чытаюць
У мінскім гандлёвым цэнтры Palazzo сабралася даўжэзная чарга. Па дармовых мядзведзікаў!8
Каментары
Бюджэтны нібыта настаўнік - паслугач рэжыму
Тонну падручнікаў насіць таксама ня трэба. Усе можа быць у планшэце. У прыватных школах так і было. Пакуль дзяцей на вуліцу ня выкінулі.