Chiłary Klintan napisała novuju knihu, u jakoj zhadała pra Biełaruś i Cichanoŭskuju
Viadomy palityk i hramadskaja dziajačka, žonka byłoha prezidenta ZŠA Biła Klintana, dziaržaŭny sakratar ZŠA i kandydatka na prezidenckuju pasadu ŭ 2016 hodzie Chiłary Klintan napisała novuju knihu: «Niešta stračana, niešta zdabyta» (Something Lost, Something Gained). U joj jość raździeły pra vajnu ŭ Afhanistanie, baraćbu z rasavaj niespraviadlivaściu, Pucina i inšaje. U knizie prysutničaje taksama tema Biełarusi. Što Hiłary Klintan napisała pra Biełaruś, adšukała «Radyjo Svaboda».
Pra Siarhieja i Śviatłanu Cichanoŭskich
Chiłary Klintan zhadvaje ŭ knizie, što ŭ 2020 hodzie z rostam padtrymki Śviatłany Cichanoŭskaj u Biełarusi režym Łukašenki surjozna zaniaŭsia falsifikacyjaj vybaraŭ.
«U vyniku jon abviaściŭ siabie pieramožcam, jaki nabraŭ 80% hałasoŭ. Niezaležnyja naziralniki śćviardžajuć, što sapraŭdnaj pieramožcaj stała Śviatłana, ale jana była vymušanaja źjechać, a jaje muža asudzili amal na 20 hadoŭ turmy. Pratestoŭcy zapoŭnili vulicy, paśla čaho ich čakali brutalny razhon i masavyja aryšty».
Dalej aŭtarka piša, što ŭ 2020 hodzie, kali Siarhiej Cichanoŭski rychtavaŭsia bałatavacca ŭ prezidenty, jaho aryštavali i trymajuć u režymie inkamunikada. Nie zdoleŭšy navat paraicca z mužam, Śviatłana pryniała rašeńnie vyłučycca ŭ prezidenty zamiest jaho. Jana nie dumała ŭ toj čas, što heta budzie niešta bolšaje, čym demanstracyja kachańnia da Siarhieja.
Klintan ličyć, što Łukašenka tady niedaacaniŭ Śviatłanu, nie staŭ na vybarach błakavać jaje kandydaturu, a jana abjadnałasia ź dźviuma inšymi žančynami-lidarkami, Vieranikaj Capkałaj i Maryjaj Kaleśnikavaj, kab mabilizavać adzinuju apazicyjnuju siłu. Usio heta Śviatłana rabiła, budučy adzinokaj maci dvuch małych dziaciej.
«Na ŭsieahulnaje ździŭleńnie, biełarusy adhuknulisia z entuzijazmam. Jany śmieła dałučylisia da mitynhaŭ i pratestaŭ, jakija ŭ ich krainie redkija i niebiaśpiečnyja, bo Biełaruś kirujecca žaleznaj rukoj», — piša dalej aŭtarka.
Klintan piša, što zaraz Cichanoŭskaja zaklikaje lidaraŭ pryciahnuć Łukašenku da adkaznaści za jahonyja złačynstvy i padtrymać svabodu ŭ Biełarusi.
«Śviatłana admoviłasia źniknuć u niabyt. Ciapier jana jeździć pa śviecie, zaklikajučy lidaraŭ pryciahnuć Łukašenku da adkaznaści za jahonyja złačynstvy i padtrymać svabodu ŭ Biełarusi. Jana kaardynuje demakratyčny ruch u krainie i robić usio mahčymaje, kab pryciahnuć uvahu da losu šmatlikich palitviaźniaŭ, u tym liku i svajho muža».
«Jana nie kantaktavałasia ź im i nie viedaje, žyvy jon ci miortvy. Biełaruski režym adchilaje prośby Mižnarodnaha Čyrvonaha Kryža naviedać jaho i inšych źniavolenych, aryštavanych za arhanizacyju palityčnych pratestaŭ».
Pra Navalnuju i Cichanoŭskuju
«U Miunchienie, kali Julija pieražyvała viestku pra śmierć Navalnaha, jana tuliłasia jašče da adnoj žančyny, jakaja niečakana trapiła ŭ pole zroku: biełaruski Śviatłany Cichanoŭskaj. Śviatłana ličyć siabie «vypadkovym palitykam». Jana nikoli nie źbirałasia bałatavacca ci stać tvaram apazicyi ŭ supraćstajańni z dyktataram Alaksandram Łukašenkam, klučavym sajuźnikam Pucina. Hramadskim aktyvistam i žurnalistam byŭ muž Śviatłany, Siarhiej Cichanoŭski, jak i ŭ vypadku Julii», — piša Klintan.
Paśla sustrečy ź Julijaj Navalnaj u Miunchienie Śviatłana Cichanoŭskaja zajaviła presie: «My zrazumieli adna adnu biez słoŭ».
Cichanoŭskuju ŭ ZŠA ŭznaharodzili premijaj u halinie pravoŭ čałavieka
«My padtrymlivajem ukrainskuju formułu miru». Cichanoŭskaja ŭ Ńju-Jorku raskazała pra biełaruskaje bačańnie situacyi
Vašynhton pačaŭ abmiarkoŭvać abmien Navalnaha na aficera śpiecsłužb Krasikava z padačy Chiłary Klintan
Cichanoŭskaja sustrełasia z Chiłary Klintan i pakazała joj videa ź vizitu ŭ Minsk 30 hod tamu
Kamientary
što? žurnalistam?) Red., vaš kaleha)
i jak daŭno jon tym aktyvistam-žurnalistam staŭ?
"V martie 2019-ho nieožidanno načał viesti juťjub-kanał o problemach Biełoruśsii "Strana dla žiźni"."
klučavoje słova - "nieožidanno"