1 listapada na bolšaj častcy terytoryi krainy zachodni viecier uzmacniaŭsia paryvami da 21-24 m/s. I takoje nadvorje pakinuła nastupstvy.
Zafiksavana bolš za 40 vypadkaŭ padzieńnia dreŭ u Bresckaj (7), Viciebskaj (8), Homielskaj (1), Hrodzienskaj (9), Minskaj (9), Mahiloŭskaj (6) abłaściach i ŭ Minsku (1), piša Smartpress.by.
Pavalenyja drevy paškodzili 7 aŭtamabilaŭ u Bresckaj (2), Viciebskaj (2) i Mahiloŭskaj (3) abłaściach.
Sarvany mietaličny elemient azdableńnia fasada šmatkvaternaha žyłoha doma ŭpaŭ na dva aŭtamabili ŭ Kalinkavičach (Homielskaja vobłaść). Na ščaście, paciarpiełych niama.
U Mahilovie na praśpiekcie Dzimitrava dreva ŭpała na parkoŭku i paškodziła 3 lehkavyja aŭtamabili.
U Minskaj vobłaści ŭ vyniku prachodžańnia navalničnaha frontu ŭ 5 rajonach zafiksavana 9 vypadkaŭ padzieńnia dreŭ: u Vałožynskim, Barysaŭskim (2), Minskim (3), Maładziečanskim (2) i Niaśvižskim rajonach.
Pa infarmacyi RUP «Mahiloŭenierha», na praciahu sutak u rehijonie parušałasia elektrazabieśpiačeńnie 17 nasielenych punktaŭ i 3 fiermaŭ u Kryčaŭskim, Kiraŭskim i Hłuskim rajonach.
Kamientary