Miadźviedzieŭ: ZŠA nie majuć racyi, dumajučy, što Rasija nie hatovaja ŭžyć jadziernuju zbroju
«Što, jany tam buduć u bunkierach siadzieć i hladzieć, jak padaje źvierchu jadzierny śnieh?» — vykazaŭ zdahadku palityk u intervju RT.
Bieły dom pamylajecca, kali dumaje, što Maskva nikoli nie piarojdzie peŭnaj rysy ŭ pytańni vykarystańnia jadziernaj zbroi, takuju zajavu zrabiŭ namieśnik staršyni Rady biaśpieki RF Dźmitryj Miadźviedzieŭ, piša «Sputnik».
Na jahonuju dumku, «nijaki dypstejt nie zachavajecca», kali žyćcio na płaniecie stanie nieprydatnym».
«Što, jany tam buduć u bunkierach siadzieć i hladzieć, jak padaje źvierchu jadzierny śnieh?»— vykazaŭ zdahadku palityk u intervju RT.
Pamyłka, sa słoŭ Miadźviedzieva, u tym, što kiraŭnictva ZŠA, budučy nie vielmi abaznanymi ludźmi, čamuści miarkuje, što «rasijanie nikoli nie piarojduć peŭnaj rysy».
«Jany pamylajucca. Kali havorka pojdzie pra isnavańnie našaj dziaržavy, pra što nieadnarazova kazaŭ prezident našaj krainy, vaš pakorny słuha kazaŭ, inšyja kazali, naturalna, u nas prosta nie budzie nijakaha vybaru», — padsumavaŭ namieśnik staršyni Rady biaśpieki.
Palityk taksama miarkuje, što ZŠA viaduć nie proksi, a sapraŭdnuju vajnu suprać Rasiei.
Z Rasii pryjechała vykryvać «mif pra Kurapaty» historyk, jakaja pierapisvaje historyju Katynskaha rasstrełu na karyść čekistaŭ4
Kamientary