«Heta nie zarobak, heta bonus». Niekatorym biełarusam padabajecca atrymlivać častku zarpłaty praduktami
Kamientatary tyktoku razburajuć niekatoryja stereatypy bahatych žycharoŭ stalicy.
Žychar Łatvii i papularny siarod peŭnaha siehmientu karystalnikaŭ internetu błohier Maksim vosieńniu minułaha hoda pierajechaŭ u Biełaruś. Praz hod paśla pierajezdu mužčyna ŭładkavaŭsia na pracu.
Rolik u tyktoku ź infarmacyjaj ab tym, jak mužčyna chvalić Biełaruś za toje, što na jaho pradpryjemstvie častku zarobku vydajuć praduktami, vyklikaŭ burnaje abmierkavańnie.
Asobnyja kamientatary padkreślivajuć, što heta nie častka zarobku, a mienavita bonus da zarobku. Niekatoryja paraŭnoŭvajuć heta z dapłataj na charčavańnie:
«Heta nie častka zarobku, heta plus da zarobku. Na majoj pracy taksama 170 rubloŭ dapłačvajuć na charčavańnie. Ale nie praduktami, a prosta hrašyma. Na kožnym pradpryjemstvie pa-roznamu».
«Vy, vidać, niaŭvažliva słuchali, heta plus da zarobku, nie treba ŭsio pieravaročvać z noh na hałavu, a ŭvažliva słuchać, što čałaviek havoryć».
Inšyja zaŭvažajuć, što šmat na jakich pradpryjemstvach dajuć siertyfikaty ci tałony ŭ kramu.
Asobnyja pahadžajucca, što «časam dajuć častku zarobku praduktami, ale heta nie batony, jak vy dumajecie, a dobraja kaŭbasa, miasa, małočka!»
Jość i ŭdakładnieńni ab tym, što takaja praktyka raspaŭsiudžana ŭ ahraharadkach: «U niekatorych ahraharadkach vydajuć bonus, kožny miesiac praduktami. U Rečyckim rajonie tak».
Niekatoryja kamientatary bačać u hetym sacyjalny pakiet, jaki isnuje ŭ inšych krainach:
«U Brytanii na dziaržaŭnaj pracy taksama jość źnižki na tavary ŭ kramach, pradukty, spartyŭnyja zały i častkova apłačvajecca miedstrachoŭka», — zaŭvažaje adzin z kamientataraŭ.
Inšy dadaje: «A što ŭ hetym dziŭnaha? U Hiermanii narmalna atrymać kartki ad mahazinaŭ i dla zapravak čypy taksama. Heta nie abkładajecca padatkam, i firmy dajuć kiraŭničym i nie tolki pasadam».
«U ryžskim porcie tabie ŭ kancy źmieny małako dajuć… Asabista atrymlivaŭ… U Hiermanii taksama vydajuć na mnohich firmach fłajer, za jaki ty možaš nabrać praduktaŭ».
Adnak mnohija kamientatary nie bačać, u čym tut vyhada.
«Zarobak praduktami — heta, zrazumieła, pakazčyk. I čamuści jon nie pakazaŭ svoj zarobak. Chiba što ŭ šoku», — zaŭvažaje adzin z karystalnikaŭ.
«A potym i ŭvieś zarobak vydaduć praduktami», — prahnazuje inšy.
«Nie, zarobak u praduktach — heta, zrazumieła, hienijalna. Jak uvieś śviet da hetaha nie dadumaŭsia», — dzivicca jašče adzin.
Najbolš łajkaŭ atrymaŭ kamientar: «Niešta, akramia hetaha Maksima, nichto nie imkniecca jechać žyć u Biełaruś».
Kamientary
Lubaja zp (v tom čiśle, i bonusy, i i priemii) dołžny byť v dieniežnom ekvivalentie. Čtoby čiełoviek moh sam kupiť, čto nado. Ja svoj "podarok" praktičieski vieś razdał, potomu čto takoje nie jem