Zialenski: Rasijanie ŭdaryli «Kalibrami» z kasietnymi bojeprypasami
Kožnaja ataka Rasii dakazvaje, što sistemy SPA nieabchodnyja zaraz va Ukrainie, dzie jany ratujuć žyćci, a nie na bazach zachoŭvańnia sajuźnikaŭ, adznačyŭ prezident Ukrainy.
Prezident Uładzimir Zialenski prakamientavaŭ masiravany ŭdar Rasii pa Ukrainie 28 listapada. Jon paviedamiŭ, što ahułam rasijanie vypuścili kala 100 ŭdarnych dronaŭ i bolš za 90 rakiet roznych typaŭ, u tym liku «Kalibry» z kasietnymi bojeprypasami, piša UNIAN.
«U niekalkich abłaściach zafiksavanyja ŭdary «Kalibrami» z kasietnymi bojeprypasami mienavita pa hramadzianskaj infrastruktury. Hetyja kasietnyja čaści značna ŭskładniajuć našym ratavalnikam i enierhietykam likvidacyju nastupstvaŭ udaru, i heta vielmi podłaja eskałacyja rasijskaj terarystyčnaj taktyki», — padkreśliŭ Zialenski.
Jon adznačyŭ, što metaj rasijan padčas ataki stała enierhietyčnaja infrastruktura. Na dadzieny momant va ŭsich abłaściach, dzie heta nieabchodna, pryciahnutyja siły dla likvidacyi nastupstvaŭ udaraŭ.
«Kožnaja takaja ataka dakazvaje, što sistemy SPA nieabchodnyja zaraz va Ukrainie, dzie jany ratujuć žyćci, a nie na bazach zachoŭvańnia. Heta asabliva važna ŭ zimovy pieryjad, kali treba abaranić našu infrastrukturu ad metanakiravanych rasijskich udaraŭ. My pastajanna pracujem z partniorami, kab mieć bolš siły dla abarony, i svoječasovaje pastaŭka zaraz i poŭnaje vykanańnie damoŭlenaściej, u tym liku pa SPA — heta toje, što najbolš patrebna», — adznačyŭ Zialenski.
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary