Pucin admoviŭsia publična prasić prabačeńnia za padbity azierbajdžanski samalot
Uładzimir Pucin nie płanuje vystupać ź jakimi-niebudź zajavami z nahody katastrofy samalota avijakampanii Azal («Azierbajdžanskija avijalinii»), jakaja adbyłasia ŭ śniežni. Pra heta paviedamiŭ jahony pres-sakratar Dźmitryj Piaskoŭ, kamientujučy publikacyju azierbajdžanskich ŚMI, u jakoj Rasii prapanujecca ŭziać na siabie adkaznaść za incydent.
«Nie, nie płanujecca [vystupleńnie pa temie katastrofy]», — koratka adkazaŭ Piaskoŭ na adpaviednaje pytańnie.
Samalot «Azierbajdžanskich avijalinij» Embraer E190, jaki lacieŭ z Baku ŭ Hrozny, raźbiŭsia kala kazachstanskaha Aktau 25 śniežnia. Z 67 čałaviek na borcie vyžyli tolki 25. Śćviardžajecca, što jon byŭ źbity rasijskim zienitna-rakietnym kompleksam «Pancyr-S». Upeŭnienyja ŭ hetym azierbajdžanskija ŭłady pahražajuć padać na Maskvu ŭ mižnarodny sud, kali jana nie pryznaje svajoj viny.
Apublikavanyja niadaŭna vyniki papiaredniaha rasśledavańnia Mintransa Kazachstana śviedčać pra šmatlikija paškodžańni fiuzielaža, kryłaŭ i chvasta samalota. U dzień katastrofy ŭ aeraporcie Hroznaha dziejničaŭ režym «Dyvan» (zakryćcio pavietranaj prastory), ale ekipaž daviedaŭsia pra heta ŭžo tolki paśla atrymanych paškodžańniaŭ.
Azierbajdžan abvinavačvaje Rasiju ŭ sprobie schavać praŭdu, paraŭnoŭvajučy heta z rasśledavańniem krušeńnia małajzijskaha samalota MH17 u niebie nad ukrainskim Danbasam u 2014 hodzie. Maskva, adnak, praciahvaje admaŭlać svaju adkaznaść, niahledziačy na publikacyju vynikaŭ rasśledavańnia ŭ Kazachstanie.
Prezident Azierbajdžana Ilcham Alijeŭ zapatrabavaŭ pakarańnia vinavatych i raskrytykavaŭ sproby Rasii schavać fakt ataki.
Azierbajdžan spyniŭ u krainie dziejnaść «Rassupracoŭnictva»
Bortpravadnik, jaki vyžyŭ paśla padzieńnia azierbajdžanskaha samalota ŭ Kazachstanie, raskazaŭ, jak usio vyhladała znutry
«Azierbajdžanskija avijalinii» prypyniajuć paloty ŭ niekalki haradoŭ Rasii
Alijeŭ znoŭ rezka prajšoŭsia pa Rasii za źbity samalot: My patrabujem čałaviečych pavodzin
Kadyraŭ uznaharodziŭ svajho plamieńnika, adkaznaha za źbićcio dronaŭ nad Hroznym
Kamientary
Proihrajet rf po vsiem frontam