Pradstaŭniki hramadskaści na jaho nie zaprošanyja.
U Ministerstvie zamiežnych spravaŭ Biełarusi 19 sakavika pačałosia pieršaje pasiedžańnie biełaruska‑polskaj kamisii pa ŭrehulavańni kanfliktu vakoł hramadskaha abjadnańnia «Sajuz palakaŭ u Biełarusi» (SPB).
Jak paviedamiŭ pres‑sakratar ambasady Polščy ŭ Biełarusi Pavieł Marčuk, polskuju delehacyju na pieramovach uznačalvaje pieršy namieśnik ministra zamiežnych spravaŭ Andžej Kremier, biełaruskuju — upaŭnavažany pa spravach relihij i nacyjanalnaściaŭ Leanid Hulaka.
Pradstaŭniki hramadskaści na pasiedžańnie kamisii nie zaprošanyja.
Rašeńnie ab stvareńni dvuchbakovaj kamisii było pryniataje 25 lutaha na sustrečy prezidenta Biełarusi Alaksandra Łukašenki i ministra zamiežnych spravaŭ Polščy Radasłava Sikorskaha ŭ Kijevie. Papiarednie dataj pieršaha pasiedžańnia kamisii nazyvałasia 9 sakavika, adnak potym jano było pieraniesienaje — baki ŭzhadniali farmat pracy.
***
Raskoł u SPB adbyŭsia ŭ 2005 hodzie. Z taho času ŭ krainie isnuje dva Sajuzy palakaŭ — aficyjny, zarehistravany Ministerstvam justycyi Biełarusi, i nieaficyjny, jaki padtrymlivajuć ułady Polščy.
U pačatku 2010 hodu kanflikt pamiž pradstaŭnikami SPB abvastryŭsia ŭ suviazi ź situacyjaj vakoł Doma polskaha ŭ Iviancy,
na jaki pretendavali jak aficyjnaja arhanizacyja, tak i niefarmalnaje jaje kryło. 17 lutaha sud Vałožynskaha rajonu pryniaŭ rašeńnie na karyść zarehistravanaj struktury SPB.
15 i 17 lutaha biełaruskimi pravaachoŭnymi orhanami za praviadzieńnie niesankcyjanavanych akcyj pratestu b
yli zatrymanyja niekalki dziesiatkaŭ aktyvistaŭ nieaficyjnaha SPB, a kiraŭnikoŭ arhanizacyi asudzili.
Hetyja dziejańni vyklikali niezadavalnieńnie aficyjnaj Varšavy i jeŭrastruktur.
Pradstaŭniki Sajuza palakaŭ spadziajucca, što mižuradavaja kamisija vyrašyć ich prablemy. Aktyvisty niezarehistravanaj struktury SPB raźličvajuć na lehalizacyju, aficyjnaj — na naładžvańnie dyjałohu z Varšavaj.
Staršynia Hałoŭnaj rady nieaficyjnaha SPB Andžej Pačobut taksama vykazaŭ nadzieju na toje, što ŭ vyniku pracy biełaruska‑polskaj kamisii ŭ Biełarusi spynicca praktyka kamiercyjalizacyi Damoŭ polskich, i jany buduć vykarystoŭvacca vyklučna ŭ kulturna‑aśvietnickich metach, jak heta i mierkavałasia pieršapačatkova.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1212
Kamientary