Hrodzienski invalid-vazočnik vyjhraŭ sud u DAI
Abłasnoje ŭpraŭleńnie Dziaržaŭtainśpiekcyi pavinna vypłacić invalidu I hrupy materyjalnuju i maralnuju kampiensacyju.
Abłasnoje ŭpraŭleńnie Dziaržaŭtainśpiekcyi pavinna vypłacić invalidu I hrupy materyjalnuju i maralnuju kampiensacyju.
Sudździa zadavoliła pazoŭ Siarhieja Fieščanki i abaviazała abłasnoje ŭpraŭleńnie Dziaržaŭtainśpiekcyi vypłacić invalidu I hrupy materyjalnuju i maralnuju kampiensacyju. Suma spahnańnia ŭ niekalki razoŭ mienšaja za tuju, što zaprošvaŭ iściec, — 1 młn. 300 tysiač biełaruskich rubloŭ.
—Nie ŭ hrašach sprava, — prakamientavaŭ «Haziecie Słonimskaj» Siarhiej Fieščanka. — Hałoŭnaje, što sud pryznaŭ toje, što heta było nie majo dzivactva — pakarać adkaznych za adsutnaść pandusa ŭ budynku sacyjalnaha pryznačeńnia.
Pytańnie z pandusam i poručniami kala budynka DAI ŭsio ž zastajecca adkrytym: sud nie ŭ kampietencyi abaviazać upraŭleńnie Dziaržaŭtainśpiekcyi zrabić nieabchodnaje abstalavańnie dla pieramiaščeńnia fizična abmiežavanych asob.
Nahadajem, što invalid I hrupy Siarhiej Fieščanka patrabavaŭ spahnać z abłasnoha ŭpraŭleńnia Dziaržaŭtainśpiekcyi 7 miljonaŭ rubloŭ. Takoj sumaj jon acaniŭ pamier materyjalnaj i maralnaj škody z-za traŭmy kalennaha sustava, jakuju invalid atrymaŭ na prystupkach budynka DAI.
U žniŭni minułaha hoda, vychodziačy z ustanovy DAI, Siarhiej Fieščanka ŭpaŭ sa svajho vazka na prystupki.
Kab padniacca, jamu spatrebiłasia miedyčnaja dapamoha. Paśla hetaha invalid dziesiać dzion nasiŭ hips i nie moh źjaŭlacca na pracu — u paviljon adnaho z hrodzienskich rynkaŭ, dzie handluje budaŭničymi materyjałami.
Pradstaŭniki DAI adsut¬naść pandusaŭ abhruntoŭvać niemahčymaściu tracić dziaržaŭnyja srodki na toje, što nie praduhledžana biudžetam. Apošni ramont hanka pravo¬dziŭsia jašče da zaćviardžeńnia prahramy «Biezbarjernaje asiarodździe», u 2006 hodzie, i tady nie było vydatkavana hrošaj na pandus. Da taho ž nieabchodnaje abstalavańnie dla pierasoŭvańnia ludziej z abmiežavanymi mahčymaściami vymahała b rekanstrujavać dvajnyja dźviery i turnikiet, pastavić lift. Fizična asłablenym asobam abłasnoje ŭpraŭleńnie DAI prapanuje skarystacca alternatyŭnymi vidami pasłuh: vyklikać supracoŭnika dadomu ci pierahavaryć ź im pa śpiecyjalnym telefonie, što znachodzicca pierad słužbovym budynkam.
Ciapier čytajuć
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary