«NN» zastajecca aryjenciram, jaki dazvolić razabracca ŭ hramadska-palityčnych pracesach, jakija ciapier adbyvajucca».
U Centralnaj navukovaj biblijatecy imia Jakuba Kołasa Akademii navuk prajšła prezientacyja piataha, apošniaha, toma faksimilnaha vydańnia haziety «Naša niva» za 1912-1915 i 1920 hady.
Vučony sakratar Instytuta movy i litaratury Ihar Kapyłoŭ nazvaŭ heta vydańnie «druhim naradžeńniem haziety».
«Naša Niva» zastajecca aryjenciram, jaki dazvolić razabracca ŭ hramadska-palityčnych pracesach, jakija ciapier adbyvajucca»,
— dadaŭ sp. Kapyłoŭ.
Inicyjatar pieravydańnia Źmicier Sańko adznačyŭ, što hety vydaviecki prajekt, zadumany jašče ŭ kancy 1980-ch, byŭ skiravany na ratavańnie tych aryhinałaŭ, što znachodziacca ŭ archivach i biblijatekach krainy. Bo, pa jaho słovach, znachodzilisia hora-vučonyja, što rabili vyrazki z tych numaroŭ. Razam z tym,
Biełaruś nie maje nivodnaha kamplektu «Našaj Nivy» pačatku minułaha stahodździa.
Tamu faksimilnaje pieravydańnie daje mahčymaść pašyryć koła daśledčykaŭ haziety.
U biblijatecy arhanizavana admysłovaja vystava «Hazieta-lehienda». Na joj pradstaŭlena «Naša Niva», materyjały, źviazanyja z krytykaj haziety z punktu hledžańnia marksisckaj teoryi ŭ savieckija časy. A taksama daśledavańni sučaśnikaŭ.
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja90
Kamientary