Стала вядома асоба беларуса, якога падазраваюць у выбуху ў Ханты-Мансійску
Затрыманы ў Расіі — 48-гадовы грамадзянін Беларусі Андрэй Сакалоўскі-Станкевіч, піша «База».
Паводле блізкага да расійскіх сілавікоў тэлеграм-канала, за падрыхтоўку дыверсіі ў Ханты-Мансійску быў затрыманы 42-гадовы расіянін Андрэй Кіяшка, які нарадзіўся ва Украіне, а ў 2020 годзе ён атрымаў расейскае грамадзянства. Ён працаваў у нафтавай кампаніі, якая займаецца рамонтам свідравін.
Паводле версіі следства, бомбу ў доме на Прамысловай вуліцы Кіяшка збіраў разам з 48-гадовым грамадзянінам Беларусі Андрэем Сакалоўскім-Станкевічам. Мужчына, як і Кіяшка, працаваў у нафтавай сферы. На старонцы беларуса ў сацсетках пазначана, што ён жыве ў расійскім Ніжнявартаўску.
Паводле інфармацыі крыніц, Кіяшка і Сакалоўскі-Станкевіч знялі кватэру 10 красавіка.
У кватэры яны збіралі выбухоўку, з дапамогай якой хацелі падарваць расійскага вайскоўца. Падчас зборкі прылада здэтанавала — адбыўся магутны выбух, які разбурыў некалькі кватэр, пяць чалавек пацярпелі, уключаючы зборшчыкаў бомбы.
Кіяшка і Сакалоўскі-Станкевіч затрыманыя, разам з імі па справе праходзіць грамадзянін Малдовы, які прывёз у Расію кампанентныя выбуховага прыстасавання, піша «База».
Цяпер чытаюць
Амаль усе чаты і суполкі калоній і СІЗА Беларусі прызналі экстрэмісцкімі фармаваннямі. Пад пагрозай тысячы чалавек4
Каментары