Duhłas Emchaf, muž byłoj kandydatki ŭ prezidenty ZŠA ad Demakratyčnaj partyi Kamały Charys, paviedamiŭ, što prezident ZŠA Donald Tramp zvolniŭ jaho sa składu Rady dyrektaraŭ muzieja Chałakostu ŭ Vašynhtonie, piša Bild.
Emchaf napisaŭ post u sacsietcy Ch, u jakim abvinavaciŭ Trampa ŭ tym, što toj zvolniŭ jaho pa palityčnych pryčynach. Jon taksama śćviardžaje, što tym samym prezident ZŠA palityzuje i sam Chałakost:
«Pamiać pra Chałakost i adukacyju ŭ hetaj śfiery nikoli nie pavinny rabicca pradmietam palityzacyi. Pieratvarać adno z samych žudasnych złačynstvaŭ u historyi čałaviectva ŭ pradmiet sprečak — niebiaśpiečna i abražaje pamiać pra šeść miljonaŭ jaŭrejaŭ, zabitych nacystami, jakuju hety muziej pavinien zachoŭvać».
Emchaf taksama dadaŭ, što, niahledziačy ni na što, praciahnie pracavać nad zachavańniem pamiaci pra Chałakost.
Duhłas Emchaf, jaki vyznaje iudaizm, byŭ pryznačany ŭ Radu muzieja papiarednikam Trampa — Džo Bajdenam. 55 z 63 členaŭ Savieta tradycyjna pryznačajucca prezidentam ZŠA.
Pavodle infarmacyi New York Times, Tramp taksama zvolniŭ inšych členaŭ Rady, pryznačanych papiarednim prezidentam — u tym liku byłoha kiraŭnika aparata Bajdena Rona Klejna i byłuju daradcu pa nacyjanalnaj biaśpiecy prezidenta Baraka Abamy Śjuzan Rajs.
U lutym Tramp taksama zvolniŭ niekalkich členaŭ rady dyrektaraŭ Kulturnaha centra imia Kienedzi ŭ Vašynhtonie i sam pryznačyŭ siabie staršynioj hetaj rady.
Tramp vieryć, što Pucin choča spynić vajnu, ale dapuskaje, što toj «duryć jamu hałavu»
Tramp dapuściŭ, što moža pierajści na bok Ukrainy
Biełarus, jaki žyvie ŭ Techasie, tłumačyć, čamu rašeńni Trampa zrazumiełyja mnohim amierykancam
«U jaho što, nie było čornaha kaściuma?» Trampa krytykujuć za prajaŭleńnie niepavahi na pachavańni Papy Franciška
Ciapier čytajuć
Andrej Švied, architektar represij, pryznačany staršynioj Viarchoŭnaha suda2
Kamientary