Stała viadoma proźvišča jašče adnaho palitviaźnia, vyzvalenaha letaś pa pamiłavańni
Pravaabaroncy atrymali infarmacyju pra toje, što ŭ žniŭni 2024 hoda na volu vyjšaŭ palitviazień z Homiela Jaŭhien Jemialjanaŭ. Jon byŭ asudžany 17 kastryčnika 2023 hoda, a vyjšaŭ na svabodu praz pamiłavańnie, daviedałasia «Homielskaja viasna».
Asnoŭnym abvinavačvańniem suprać Jaŭhiena Jemialjanava była č. 1 art. 368 Kryminalnaha kodeksa (abraza Łukašenki). Akramia taho, jaho pryznali vinavatym jašče i ŭ raspalvańni varažniečy (č. 1 art. 130 KK) dy sadziejničańni ekstremisckaj dziejnaści (č. 1 i 2 art. 361-4 KK).
Prysud Jaŭhien Jemialjanaŭ adbyvaŭ u kałonii № 17 u Škłovie. 22 śniežnia 2023 hoda MUS uklučyła jahonaje imia ŭ «śpis asobaŭ, datyčnych da ekstremisckaj dziejnaści». 30 studzienia 2024 hoda pravaabarončaja supolnaść Biełarusi vyznała jaho palityčnym źniavolenym.
Kamientary