Milicyja zatrymała namieśnika staršyni Sajuza palakaŭ na Biełarusi Miečysłava Jaskieviča i staršyniu Tavarystva Žaŭnieraŭ Armii Krajovaj pry Sajuzie palakaŭ Vieraniku Sebastjanovič.
Mašyna, jakoj jechaŭ Jaskievič i Sebastjanovič, była zatrymana niedaloka ad Ščučyna. Zatym ich advieźli ŭ Ščučynski RAUS. Farmalnym povadam zatrymańnia stalisia padazreńni na najaŭnaść u mašynie, jakoj jechali Jasiekvič i Sebastjanovič, «padpolnaj litaratury».
«My jechali niepadalok Ščučyna, kali nas spyniła DAI. Paprasili pakazać, što znachodzicca ŭ sałonie aŭtamabila. Tam byli asobniki časopisa «Magazyn Polski na Uchodźstwie». Heta milicyjantam nie spadabałasia. Advieźli nas u Ščučynski RAUS. Zaraz padličvajuć kolkaść asobnikaŭ časopisa. Nie dumaju, što heta była vypadkovaja pravierka. Zatrymali tolki nas. I sami nie mohuć patłumačyć, navošta. Adrazu bačna, što jany tolki vykanaŭcy. Zahad sychodziŭ adniekul źvierchu» – paviedamiŭ «NN» Miečysłaŭ Jaskievič.
Zatrymanyja źbiralisia naviedać vieteranaŭ AK, jakija žyvuć u Ščučynskim rajonie.
***
A 15-aj hadzinie aktyvistaŭ SPB adpuścili. Milicyja kanfiskavała ŭ ich 450 asobnikaŭ časopisa «Magazyn Polski na Uchodźstwie». Na Miečysłava Jaskieviča skłali pratakoł ab administracyjnym parvaparušeńni.
U milicejskim konkursie pryhažości pieramahła amapaŭka, jakaja ŭ 2020 hodie razhaniała pratesty48
Kamientary