Pucin moža viarnuć «hienierała Armahiedona»: viartajecca pahroza dla Kijeva
Hienierał Suravikin moža ŭznačalić kampaniju ŭdaraŭ pa ŭkrainskaj infrastruktury, u pryvatnaści pa mastach praz Dniapro ŭ horadzie.
Rasija moža znoŭ zadziejničać hienierała Siarhieja Suravikina, viadomaha pad mianuškaj «hienierał Armahiedon», kab uzmacnić cisk na Kijeŭ. Pra heta paviedamlaje Bild sa spasyłkaj na brytanskuju The Telegraph.
Pavodle jaje źviestak, Suravikin moža ŭznačalić kampaniju ŭdaraŭ pa ŭkrainskaj infrastruktury, u pryvatnaści pa mastach praz Dniapro.
Raniej Suravikin užo prasłaviŭsia žorstkimi mietadami viadzieńnia vajny ŭ Siryi. Rasijskija vojski pad jaho kamandavańniem udzielničali ŭ abłozie i bambardziroŭkach Alepa.
Pravaabaroncy abvinavačvali rasijskija i siryjskija siły ŭ naniasieńni ŭdaraŭ pa balnicach, škołach i žyłych kvartałach, u vyniku jakich zahinuli tysiačy mirnych žycharoŭ.
U 2022 hodzie Suravikin kamandavaŭ rasijskimi vojskami va Ukrainie, a paźniej staŭ adnym z kiraŭnikoŭ abarony. Paśla miaciažu Jaŭhiena Pryhožyna ŭ červieni 2023 hoda hienierał źnik z publičnaj prastory.
Pavodle paviedamleńniaŭ ŚMI, paźniej jon zajmaŭsia rasijskimi vajennymi apieracyjami ŭ Afrycy. Ciapier, jak śćviardžajuć brytanskija krynicy, jon moh viarnucca ŭ Maskvu i znoŭ atrymać važnuju rolu ŭ vajnie.
Asablivuju ŭvahu, pavodle źviestak The Telegraph, mohuć nadać vaśmi mastam praz Dniapro ŭ Kijevie. Ich razbureńnie moža parušyć transpartnaje złučeńnie pamiž častkami horada i ŭskładnić zabieśpiačeńnie šmatmiljonnaj stalicy.
Mahčymaje viartańnie hienierała adbyvajecca na fonie pavolnaha prasoŭvańnia rasijskaj armii na ŭschodzie Ukrainy i značnych strat.
Pavodle acenki brytanskich žurnalistaŭ, Kreml moža raźličvać uzmacnić cisk na ŭkrainskaje nasielnictva ŭdarami pa infrastruktury, kali nie ŭdajecca dasiahnuć vyrašalnaha pośpiechu na poli boju.
Biznesoviec rodam z Babrujska admovicca ad svajho hihanckaha aŭstralijskaha zarobku dziela šancu atrymać $35 miljonaŭ3
Kamientary