Pieršy miedal zavajavali biełaruskija štanhisty na čempijanacie Jeŭropy pa ciažkaj atletycy, jaki adkryŭsia 5 krasavika ŭ minskim Pałacy sportu.
Vital Dzierbianioŭ zaniaŭ pieršaje miesca ŭ vahavoj katehoryi da 56 kh z vynikam 256 kh (118 u ryŭku, 138 u šturšku). Druhim byŭ Smbat Marharan z Armienii — 255 kh (109+146), trecim — bielhijec Tom Hiohiebiur — 254 (116+138). U ryŭku Dzierbianioŭ taksama pakazaŭ lepšy vynik, a ŭ šturšku byŭ piatym. Vynik 138 kh pakazali try spartsmieny, ale Dzierbianioŭ akazaŭsia samym ciažkim ź ich.
Na rachunku 33‑hadovaha Dzierbianiova zaraz čatyry załatyja miedali jeŭrapiejskich čempijanataŭ. Pieršyja try zavajavany ŭ 2002, 2003 i 2006 hadach.
U žančyn u katehoryi da 48 kh 19‑hadovaja Iryna Miranovič zaniała apošniaje 10‑ie miesca — 124 kh (54+70). Dla paraŭnańnia: 26‑hadovaja čempijonka Alimpijskich hulniaŭ‑2004 Nurdžan Tajłan z Turcyi, jakaja atrymała «zołata», padniała 208 kh (90+118).
6 krasavika na pamost vyjduć mužčyny ŭ katehoryi da 62 kh (haspadaroŭ budzie pradstaŭlać Hienadź Machviajenia) i žančyny da 53 kh (Valancina Lachaviec).
Kamientary